دووبارە چەرخی کەچ ڕەفتار بە کینەی من هەڵستاوە
لە کتێبی:
دیوانی سافی هیرانی
بەرهەمی:
سافی هیرانی (1873-1942)
1 خولەک
1157 بینین
دووبارە چەرخی کەچ ڕەفتار بە کینەی من هەڵستاوە
چ سووچی من نییە وا خووی بەدی هێشتا لەسەر ماوە
تەسەللای عاشقان چۆن دێ لە دەورانی فەلەک، هەیهات
کە ئەم ئاشووبە ئێستێکەش لە بەینا سوڵحی نەکراوە
بیناییم کەم بووە یا ڕۆژی هیجران تارییە یاران؟
سیایی تالعی عوشاقە، یا زوڵفی پەشێواوە
شەوی فیرقەت گەلێ توولانییە خۆم ناخەوم ئەمما
کە چ بکەم بەختی بەد هەڵناستی دائیم لە خەو ماوە
وەکوو عارەب کە دەست و دامەنی ئێوەم عیلاجێ کەن
دڵی قەقنەس میسالم وا لە کوورەی سینە سووتاوە
لە دەست تابووری غەم ئێستێش ئەسیری دڵ بە مەزڵوومی
وەلێ چ بکا قوماندانی فیراقە ئەمری وا داوە
لە لایێکی جەفای یار و لە جایێکی بەڵای ئەغیار
ڕەهایی زەحمەتە سافیناسناوی ئەدەبی چ لەم لاوە، چ لەو لاوە