ئەگەرچی دڵ بە ڕۆژی عاریزت سووت
لە کتێبی:
دیوانی سافی هیرانی
بەرهەمی:
سافی هیرانی (1873-1942)
1 خولەک
1666 بینین
ئەگەرچی دڵ بە ڕۆژی عاریزت سووت
بەلێ وا عادەتە بۆ عاشقی ڕووت
نییە ئیحتیاجی پابەندیم بە قوربان
کە گیراوم بە داوی تاری گێسووت
بە ناری عیشقەوە مەمنێژە جانا
دەسووتێنی بە بیللا کفن و تابووت
بە غەمزەی تۆ برینی من هەزارە
موژەت بەسیە لەگەڵ ئەبرۆت مەکە جووت
بە کوفری زولفەکەت دڵ وەرمەگێڕە
کە سالیکە لە بۆ میحرابی ئەبرووت
بە خەنجەر چارەیی دڵ ناکرێ وا
گرفتارە بە سیحری چاوی جادووت
بە سەر سەودا دەکا سافیناسناوی ئەدەبی بە ڕووی تۆ
میانی پێچی پەرچەم، خاڵی هیندووت