وردە خاڵی ئێستەکەش نازێ لەسەر پەروین دەکا
لە کتێبی:
دیوانی سافی هیرانی
بەرهەمی:
سافی هیرانی (1873-1942)
1 خولەک
2821 بینین
وردە خاڵی ئێستەکەش نازێ لەسەر پەروین دەکا
چاوی بازی دائیما بازی بە ئاهووی چین دەکا
ڕۆژی جێژنە عادەتە دەستی حەنایی کا مەگەر
سا کە وا بێ دێ بە خوێنم پەنجەکەی ڕەنگین دەکا
تەیری دڵ لەم ناوە دەرناچێت و ئەو حەددی چییە
چونکە یارم بازێکە نەخچیری سەد شاهین دەکا
حەقی کوشتەی خۆی ئەدا ئەغیار و ئەمما یاری من
قاتڵێکە دەیکوژێ، خوێنیشی لێ تەزمین دەکا
گەر مەرامی کوشتنە یارم چ باکم سەر نییە
وا ئەسەف ئەمما، کە دامێنی بە من خوێنین دەکا
زامی هیجران زۆر بە ئێشە هەر کەسێ نەیدیتووە
بێت و بنواڕی کە دڵ لەم دەردە چۆن ناڵین دەکا
«بۆ پیادەی جانی من گەر بێ ڕوخی شای دەرکەوێ
بۆ فیراری فەرزە گەر ئەو فیل و ئەسپی زین دەکا»
سافیناسناوی ئەدەبی تۆی شادی بە ئاوی چاو دەچێنیت و کە چی
چی بکا لەم تالعە؟ خاشاکی غەم وا شین دەکا