لەو سەحەر جەولان ددت بایێ سەبایێ راست و چەپ
لە کتێبی:
دیوانی مەلای جزیری
بەرهەمی:
مەلای جزیری (1570-1640)
2 خولەک
1480 بینین
لەو سەحەر جەولان ددت بایێ سەبایێ راست و چەپ
سۆسن و سونبول ب مەستی بێن سەمایێ راست و چەپ
دا ژ محرابا دو نوونان سەجدە بت ئەسوەد-حەجەر
دل ب میزان ماهێ نەو ئەبروو نومایێ راست و چەپ
دل ژ بسکا فلفلین بوو فر ددا خالا سیاهـ
شەهپەرێ زولفا شەپالێ دالێ دایێ راست و چەپ
عالەمەک وێرانێ زولفێن تە ژ رەنگێ عەنبەرێ
چەرخ و پەروازێ ددن جارەک ل بایێ راست و چەپ
خەنجەر و تیر و تەبەر بارین شوبهـ بەرق و برووسک
مسریان لامع ژ ئەلماسان ددایێ راست و چەپ
تەیرک و عقد و شەراب و نەترک و بەرگ و وەرەق
هەر ب لەرز و جەزبەیێن یاقووتێ تایێ راست و چەپ
بشکۆیێن بەندا گریبانێ ژ رەنگێ کەوکەبان
بەرق و تیر و ژین ژ خورشیدێ ڤەدایێ راست و چەپ
کەوکەب و قەوسێ قەزەح لووئلووئێ بەندا حەیدەری
تێن تەوافا زولف و خالێن دلروبایێ راست و چەپ
دل دخوینت زولف و خالان دێم و بالایێن ژ نوور
هەر ب قانوون موژدەیا غەیبێ ژ نایێ راست و چەپ
زەنگییان جەوشەن ڤەبەستن پێشبەرێ جۆقا حەبەش
دابەرستن یەک ب یەک چوون بەر لوایێ راست و چەپ
چنگاچنگا بشکۆوان ئاواز و دەنگێ زەرگۆوان
سەد مەلایک گوهـ ددن بەر وێ نەوایێ راست و چەپ
لەو ژ عشقا وێ دنالن بازن و بەرگ و وەرەق
جەزبەیا دل من ژ رەمزا وان گهایێ راست و چەپ
زوهرە و عقدا سورەییایێ د شەرقێ کەششفین
لەیلەتو ل-قەدرێ ژ مەغرب پەردە دایێ راست و چەپ
زوهرەرەنگێ ماهـ و خورشیدێ ژ بالا وێ نوما
لەو دو کەوکەب چوونە ڤێ را ئستوایێ راست و چەپ
بێتە ئەیوانێ ژ خەلوێ حۆرییا قودسی-سرشت
سەد هەزاران حۆری قودسی تێن لقایێ راست و چەپ
ما مەلاناسناوی ئەدەبییی ئەز لەبێ لەعل ئابێ حەیوان بت نەسیب
قودسییان راگرتین دەستێ دوعایێ راست و چەپ