لِله الحَمد ژ یارێ مە د دەست جامە لەبالەب
لە کتێبی:
دیوانی مەلای جزیری
بەرهەمی:
مەلای جزیری (1570-1640)
1 خولەک
1059 بینین
«لِله الحَمدعەرەبی» ژ یارێ مە د دەست جامە لەبالەب
ژ لەبێ نۆشێ پەیاپەی د دل ئلهامە لەبالەب
د ریا وان خەت و خالان کو نە حەرفێن قەلەمێ نە
مە ژ فەیزا تە یە مەستانە رەوان چا مە لەبالەب
مەستێ شەهکاسێ مەیا جەزبەیێن رووحی ددین
رووح دزانت کو ژ بەر لەززەتێ عشق مامە لەبالەب
نێرگزا مەست ژ بالا چەمەنا سونبول و گول تێ
قەدەحێ تازە ب دەستێ خوە مەشی دا مە لەبالەب
وەحدەتێ سرفە مە مەشرەب تە چ ئکسیرێ وجوود
ئەم لەبالەب چ لەبالەب ب خوە هەم جامە لەبالەب
شەمع و پەروانە ب زاتێ خوە ژ حالێ مە د دوورن
ئاتەشەک سرفە ژ عشقا تە ڤەوەستا مە لەبالەب
قەدەحەک تازە ژ عشقێ د ئەزەل دا مە حەکیمی
ژێ دنۆشین هەی و هەی هێ ب خوە جاما مە لەبالەب
جارەکێ گۆهتە نشانی نە مەلا یی وەرە بانی
ئەڤ دخواست مە ژ دل و جان دەهەن و کامە لەبالەب
تە دزانم تە دبینم کو تو یی نوورا ووجوود
ئەللاهـ ئەللاهـ ژ چ نوورە د سەرایا مە لەبالەب
ژ عنایەت نەزەرێ خاسسە کو هەر مەسرەع و بەیتەک
قەدەحێن ئابا حەیاتێ نە د شعرا مە لەبالەب