چین چین کرن زولفێن سیا
لە کتێبی:
دیوانی مەلای جزیری
بەرهەمی:
مەلای جزیری (1570-1640)
2 خولەک
2023 بینین
چین چین کرن زولفێن سیا، کەسک ئەتلەسا دیبا قەبا
ئێدی نشان نابن خویا، تێکل کرن لازم سەبا
من دی سەبا دایێ سەحەر، مادارێ بەدرێ کر دو کەر
قەوس و قەزەح ژێ هاتە دەر، دیسا ب زولفان ڕا تەبا
ئیرۆ ژ مە ل بەدرا تەمام، عەنبەرفەشان بن سەد سەلام
ئەی هودهودێ شیرین کەلام، «أهلاً و سَهلاً مَرحَباعەرەبی»
من دلبەرەک وەک دوڕ هەیە، مەحبووبێ شیرین سوڕ هەیە
حوسن و جەمالەک پوڕ هەیە، بەلقیس سفەت مەسکەن سەبا
شۆخ و شەپالا مەی پەرەست، ئەو زالما هشیار و مەست
ڤێ نامەیێ خەف دێ ڤ دەست، «في طَيّها نَشرُ النَباعەرەبی»
بێژ ئەو شرینا سوڕ پەری، دوڕدانەیا ئەز موشتەری:
کان عەهد و پەیمانا بەری، بێ فایدە چوون شوبهێ هەبا
مە دڤێ پەریا دلبەرێ، لێ هێ ل ئوسلووبا بەرێ
لێ کەفش ببیتە ژ پەنجەرێ، بێ و بچت تەشبیهێ با
دلبەر مەجالا نامە دی، ناسی کو نیشانا مە دی
نوونەک موخالف تێ نەدی، هل قلبوها نەحوی سەبا
نەیشەکەرا سپی دەست و زەند، زانم مەجالا نامە خوەند
لێڤان تەبەسسوم کر ژ قەند، «ماسَت كَبانٍ في رُباعەرەبی»
قاسد ب مەقسوودا مە هات، با موژدە و ئەمر و بەرات
نیشان هنارن هەم خەلات، شەهزادەیا گولگوون قەبا
ئیرۆ مەجال لێ هات و وەخت، دیسا جوان بوو من درەخت
ئەو لامعا دایی ژ تەخت، «ما كان بَرقاً خُلَّباعەرەبی»
سەلوا ڕەوان زەررین وەرەق، چیچەک مەلێ دین سەد نەسەق
«ياقوتُها يَحكي الشَّفَق، يَحكي عُقوداً كوكباعەرەبی»