سەرگەشتە و شێواوە وەکوو سایە لە دووتە
لە کتێبی:
دیوانی وەفایی
بەرهەمی:
وەفایی (1844-1902)
1 خولەک
979 بینین
سەرگەشتە و شێواوە وەکوو سایە لە دووتە
گۆیا سەری زولفت وەکوو من عاشقی ڕووتە
زەنگی و فەڕەنگی سەفی کێشاوە بە قەتڵم
غەمزە و موژە دێن بۆ دڵی دێوانە بە جووتە
یاقووتی لەبانت بە کەرەم بێنە تەبەسسوم
بۆ تەن ئەوەیە قووەت و بۆ دڵ ئەوە قووتە
نوورانییە عالەم کە لە سایەی سەری زولفت
سایەی سەری تۆ سایەیی مولک و مەلەکووتە
هەرچی هەیە جەننەت بە گوڵ و نافە نەنازێ!
عەکسی ڕوخ و عەتری شکەن و تایەکی مووتە
غافڵ مەبە بۆ ڕابیتەیی گەردەن و چاوی
مەی بگرە «وەفاییناسناوی ئەدەبی» کە ئەمە جام و سەبووتە