بانگ

هۆ کەچێن جیهان! لاوێن سەرگران!
ئیرۆ هوون جڤین دکن مهرجان
ئەز پیرۆز دکم مهرجانا وە،
دلێ من گەش کر ڤێ جڤانا وە
ئەڤ جڤین، پەیڤین، دیلان و گۆڤەند،
یەکدەستی، براتی، ئەڤ رێزک و بەند
تەڤ ژ بۆ ئاشیتی، حەقشیناسییە،
ئەڤ ئارمانج مە ژ وە بەرێ ناسییە
پڕ سپاس ژ وە رە هەی لاوێن جیهان.
ل پێش وە دبینم دۆزەک پڕ گران
ئەو دۆز،
دۆزا سەربەستی و ئازادیا مرۆڤ
دڤێ خەلاس بە،
ژ زیناتا کۆلدارێ دلرەش و هۆڤ
ئەو کۆلدارێ کو،
ب ناڤێ حەقپەرەستی، دادمەندی و زانین،
شوورێ زیناتێ،
بێ دلۆڤانی ل سەر ستۆیێ مە دانین.
ژ خوەشی و سەربەستی،
خێر و خێراتێن وەلات کرن بێپار!
ئەون زیناتکار، ئەون دز، ئەون دژمن، ئەون نایار...
وان ژ ناڤ مە،
هن دەولەمەندێن گوهبەل و پیس و تەرەس
بژارتن کرن پێشەنگ،
ئەو ژی وەک وان کوررەدەر، چللەک و ناکەس.
ئەڤ هەردو سەری،
ب ناڤێ دۆستی و ئالیکاری و پەیمان،
دخوین بێ فهێت،
مالێ مە، ئەردێ مە، خەباتا رائە، تەڤی جان...
ڤێ پاشیێ
رۆهەلات،
هشیار بوو ژ وێ خەوا کامباخ و درێژ.
ژ بۆ ئازادیێ،
کەفتەلەفتەکتە گەلەک مەزن دکە ژ مێژ..
ژ هەر ئالی،
وەلاتپارێزێن ب روومەت سەری هلدان؛
هەر دکن ب مێرانی،
شەڕێ کۆلیدارێ بزدۆک و خولامۆکێن وان.
هەر رۆژێ ئەو،
ب سەدان و هەزاران ژ خوە ددن کوشتن.
ئاخا وەلێتا هێژا،
ب خوینا خوەیا پاک ددن شوشتن.
دا کو هێژا بن،
خوەشی و سەرفرازیا سەربەستی و ئازادی:
ژ ئیرۆ ب شووندە،
بژین سەربلند، ب دلگەشی و شادی.
وان دڤێن هێرگز،
بەردن کۆلدارێن زۆرکەر و تالانکەر و دز
نەشتمان خەلاس کن،
ژ خولامۆکێن وان، ئێن بێ باڤ و خنز،
وێ دەما کو،
کۆلیدارێ حیز ئەڤ یەکا هان بیر بر؛
ژ بۆ مایین،
و فرۆتنا پرتالێن خوە بنێڕن چ کر!..
ژ لەورە وان،
ب ناڤێ «ترسا سەردەستیا کۆمۆنیست»؛
وەلاتێ مەیێ ئاش،
تژی هەسن کر، هەیە کو وە ب ئیست.
رۆهەلاتا ناڤین،
هەیا کو دگەهێ سینۆڕێ باکوڕ؛
تەڤ داگرتن،
ژ تۆپ و تفنگ و تانگ و بالافڕ.
ئەڤ چەکێن ها،
هەمی نە ژ بۆ شەڕێ لەشکەرێ سۆرە.
ئەم تێگهێشتی نە،
ئەڤ هیزەبوونی ل سەر مە نەما دبۆرە...
ما کینگا ئەو دوێرن،
بەرێ خوە بدن لەشکەرێ سۆرێ پڕ لەک:
وان ب چاڤێن خوە دیت،
شەلپا کارکەر و جۆتکار و جەوێلەک..
ئەز نە باوەرم قەت
کو ئیرۆ ل دنێ هەبن ئەو کەر
قیما خوە بینن،
ب هلگرتنا تاشتیا مووسۆلینیکەس و هیتلەرکەس..
ئەو چەک و پۆسات
تەنێ ژ بۆ دیلی و بندەستییا مەنە.
ڤایە ئەم دبینن،
د دەستێ مە دە دەلیل و بورهان هەنە،
ئەو تۆمگانێن کو،
نووری سەعیتکەس ژ ئایزەنهاورکەس ستاند
بەرێ وان چەکان،
ل سینگا وەلالپارێزێن کورد و عەرەب گەڕاند.
ئەو وەلاتپارێزێن کو،
گرتی، بندەست، بێچەک و دەستڤالا،
ل سلەیمانیشوێن و بەغداشوێن
باقووباشوێن، نەقرەت-سەلمانناوی تایبەت کوشتن د چالا.
مە ئێن مایی،
ب تۆپ و تفنگ و تاژانگان دترسینن
بنێرر چ ئەحمەقن
دخوازن شێران ب فتکێ بڕەڤینن!...
ئازادی،
زۆر خوەش و شێرینە گەلەک بهایە؛
مەژ رۆژا،
حەفتێ چرریێ جانێ خوە تێدایە.
ژ هینگێ ڤە،
ب هەزاران مە شێر و لەهەنگ کرن قوربان؛
دا کو بکارن،
ب جامێری دەینن هیمێ کوردستان.
کوردستان.
دێ چێ بە چقاس کو کۆلیدار نەڤێ:
گەلێ کورد،
ئازادیپەرەستە وی هەر ئازادی دڤێ
نەهیشتن،
و ناهێلن کو ئەز بێم وەرشەوشوێن،
تێر بکم چاڤێن خوە،
ژ دیدارا وە کەچ و خۆرتێن بەدەو.
وایە دەستێ من.
ژ دوور ڤە بگرن، بگوڤێشن ب شادی؛
سۆندا مە دگەل هەڤ،
ژ بۆ جیهان خەبات، بەر ئاشیتی و ئازادی