ئەمشەو بە ڕاستی شەوی من ڕۆژی ڕۆشنە
ئیقتباس لە غەزەلی: سەعدی شیرازی
لە کتێبی:
هەوارگەی دڵان
بەرهەمی:
سەید تاهیر هاشمی (1915-1991)
1 خولەک
821 بینین
ئەمشەو بە ڕاستی شەوی من ڕۆژی ڕۆشنە
باسی ویساڵی یارە، دەمی مەرگی دوژمنە
سروەی بەهەشتە یا کە شنەی دڵڕفێنی باغ
بێنی خۆشی هەناسەیە یا عەتری لادەنە
کەی خۆشەویستە وەک لەش و گیانت بە لامەوە
ئەو چاو و گیان و هێز و توانە کە هی منە
بۆ لات ملم دەهێنم و دەبیسم قسەت بە دڵ
تا دڵ خەزێنەداری زڕی گوێ و گەردنە
تۆ شاهی حوسنی سێبەری خۆت کەم مەکە لە من
هەر جێ کە خەرمەنێکە هەزارێکی گوڵچنە
دوورم لە تۆ لە دەشتی فیراقا بە تەنگدڵی
دنیا بە لامەوە هەر ئەڵێی چاوی سووژنە
تاهیرناسناوی ئەدەبی بە دەستی شەوقەوە ڕزگاری ئەستەمە
بۆ تۆ هەمیشە بەرهەمی دڵشکاندنە