هاودەمی تاقەدڵی بێ لوتفی تۆ تەنیامە شەو

لە کتێبی:
هەوارگەی دڵان
بەرهەمی:
سەید تاهیر هاشمی (1915-1991)
 1 خولەک  713 بینین
هاودەمی تاقەدڵی بێ لوتفی تۆ تەنیامە شەو
جووتی ڕازی سینەکەی سەفوەت لە دەس سەنیامە شەو
پەردەکەی سەتتاری عەیب و عاری دەردی میحنەتە
جێی هەناسە و ئاهـ و فرمێسک و هەلا و هوریامە شەو
هاوزمانی دەرد و داخی ڕۆژی هیجری دڵبەرە
پێخەفی ئەندامەکەی بێ لایەن و بێ لامە شەو
بۆ حوسوڵی خەڵوەتی ئونسی خەیاڵێکی مودام
مەبدەئی داغ و سووەیدا مەقسەدی سەودامە شەو
تا بە سیڕڕی پێچی زوڵفی ئەو نیگارەم کا ئەمین
ڕەهنەمای ڕێگەی حەقیقەت موڕشیدی بێ تامە شەو
چاوی ئەستێرە کلا نابێ ویساڵی موشکڵە
گیری دەس پەردەی ڕەقیب وەک یاری مەهـ ئاسامە شەو
گەر دزی غەم بێتە سەر ماڵی دڵت تاهیرناسناوی ئەدەبی چ باک
چونکە کێشکچی بەڕێز و حازر و وریامە شەو