یاری من ڕەنگی ڕۆژگاری گرت
لە کتێبی:
هەوارگەی دڵان
بەرهەمی:
سەید تاهیر هاشمی (1915-1991)
1 خولەک
1077 بینین
یاری من ڕەنگی ڕۆژگاری گرت
ئایەنەی خاترم غوباری گرت
لێوی ناکەس لە لەعلەکەی ئەنگووت
لێوی من لەم جەفایە باری گرت
سەروەکەم هاونشینی کۆڵەبییە
گوڵبونم ڕەنگ و بۆی خاری گرت
بۆ مژینی ڕقیی پڕ سەفرا
سەروی باڵای لە کۆی هەناری گرت
بۆ مەزاجی منی حەزینی سەقیم
نەیشەکەر چی بوو، زەهری ماری گرت
ئاخ لە دەس چاوی پڕ لە کینی حەسوود
چاوی بەختم غوباری تاری گرت
جارێکی دڵبەرم بە میهر و وەفا
حورمەتی عاشقی هەژاری گرت
جارێکی ڕەهبەرم بە ڕەسمی قەدیم
ڕێی سەفا و عیززەت و وەقاری گرت
من بەدەس دۆسی خۆمەوە فەوتاوم
هەموو دوژمن لە من کەناری گرت
مەدەدی ڕۆحی غوث الاعظمعەرەبی بوو
لایەنی خەستەیی فەگاری گرت
ئەو کەسە وا لە فەیزی ئەنفاسی
فەسڵی سوننەت شکۆی بەهاری گرت
ئەو کەسەی وا لە حەڵقەیی دەرسی
عالەمی عیلم ئیعتیباری گرت
ئەو کەسەی وا لە عەتری ئیخلاسی
شیعری تاهیرناسناوی ئەدەبی شنۆی تەتاری گرت