شەشدەری لێ بەستووم وەک جەردەیی یوونان درۆ
لە کتێبی:
دیوانی ناری
بەرهەمی:
ناری (1874-1943)
1 خولەک
876 بینین
شەشدەری لێ بەستووم وەک جەردەیی یوونان درۆ
تا نەگا دەستم بە ڕۆمی عەفوی بێ پایانی تۆ
ڕووسی بێ شەرتی کە وا گرتوویە موڵکی دڵ نەما
بۆ لەبی سالاری ئەفکارم مەجالی گفتوگۆ
کەی دەبێ عاجز لە سەقری خەسرەوی ساحیب شکار
گەر خیلافێ ڕوو بدا جارێ لە بازی دەستەمۆ
نوکتەیی باریک و مەعلوومە لە بازیگاهی شا
باعیسی ماتی و زەبوونی باز و توغیانی هەڵۆ
داری بەد عەهدی دەزانم خاری سەردی بادیە
بێ لەبی عیشرەت لە مەی سۆزش لە نەی دێ جۆ بە جۆ
بێ هوجوومی سەیلی عەفوت دەفتەری عەهدی وەفام
کەی بە سەد زوڵمەت سیاهی دێتە پاکی و شستوشۆ؟
قەت لەگەڵ عولوی مەقاما، عاجزی تا سەر نییە
عاسمان، بارشتی گاهێ، تەرزەیە و جارێ گەزۆ
مەتڵەبێکی حیکمەت و بێ نوکتەیی ساحیب گوناهـ
بێنە سەر بابی شەفاعەت بێ وەسیلە، خۆ بە خۆ
ناریناسناوی ئەدەبی گەر گەردی غەم ئەمڕۆ لە دڵ تاهیر نەکەی
وەک برینی کۆنە زامی سەختی میحنەت دێتە سۆ