ڤەژینبوکس > ناری > دیوانی ناری > ا > سوورەتی یاسین کە وەسفی حەزرەتی لەولا دەکا

سوورەتی یاسین کە وەسفی حەزرەتی لەولا دەکا

لە کتێبی:
دیوانی ناری
بەرهەمی:
ناری (1874-1943)
 2 خولەک  3463 بینین
زمان:
کوردیی ناوەندی
قاڵب:
قەسیدە
کێش:
فاعلاتن فاعلاتن فاعلاتن فاعلن–∪––/–∪––/–∪––/–∪–
رمل مثمن محذوف
ڕاپۆرتی هەڵە
فۆنت:
سوورەتی یاسین کە وەسفی حەزرەتی لەولا دەکا
ئەهلی دڵ مايل بە جيلوەی سوورەتی تاها دەکا
خاکی بەر دەرگاهی قەسری گەر بەسەردا کا، گەدا
هەر نەفەس نەفرەت لە تاجی قەيسەر و دارا دەکا
ئاسمان وەک مشتەری، هەر دەم بە ميزانی وەفا
کەسبی هەر شامێ بە يادی دەوڵەتی ئەسرا دەکا
گەر تەسەوور کا مەسيحی تەختی عەرشی ئەعزەمی
تا ئەبەد تەرکی بەيانی ڕەفعەتی عيسا دەکا
نووری عيشقی تۆ لەسەر تووری دڵی مووسا مەگەر
دای لە سەر سينەی بە شەوقی دڵ يەدی بەيزا دەکا
بۆ خەليلان گەر نەسيمی گوڵشەنی لوتفت ببێ
ناری نەمروودی بە سەحنەی جَنَّت والماواعەرەبی دەکا
تاقی کيسرا بۆ بە بەرقی نووری حوسنی شەق نەبێ!
سەيلی حوکمی ناری فارس زايل و ڕيسوا دەکا
ئەی حەبيبی خاليقی عالەم، لە ئادەم تا بە تۆ
ئەنبيا يەک يەک بەيانی حەزرەتی والا دەکا
نێرگسی مەستی سياهت، عەينی مازاغ البصرعەرەبی
شەمعی بێ سايەی وجودت شەرحی كرّمناعەرەبی دەکا
ئادەمی خاکی بەسەر زومرەی مەلەکدا بێ گومان
تۆی سەبەب نازش بە ڕوتبەی علم الأسماعەرەبی دەکا
کاشفی والليلعەرەبیی توڕرەی پەرچەمی شەبڕەنگی تۆ
ئافتابی تەلعەتت تەفسيری والضحىعەرەبی دەکا
ئايەتی ميعراجی پايەی قابەقەوسەينت عەجەب
وەسفی ئيعزازت لە تەختی نازی أو أدنىعەرەبی دەکا
عەکسی ئەلفی قامەتی ئەبرۆتە گەر نون و القلمعەرەبی
سيدقی مەوزونی کەلامت کەشفی ما أوحىعەرەبی دەکا
با وجوودی پڕتەوی ميهری جەماڵی ئەنوەرت
کێ خەياڵی زيبی قەسر و سايەيی طوبىعەرەبی دەکا؟
سەلسەبيلی لوتفی تۆ بێشک لە عەرسەی مەحشەرا
توشنەلەب، قانع، لە بادەی جامی أعطيناعەرەبی دەکا
چی لە دەوڵەت کا، ئەسيری بەندی عيشقی ئەحمەدی
عيشقی مەحموودی بە عاشق کەسبی ئيستيغنا دەکا
نارياناسناوی ئەدەبی وەسفی جەلالی حەزرەتی خيرالبشر
کەی بەسەد دەفتەر هەتا مەحشەر بەشەر ئينشا دەکا