هەر کەسێ نەیبێ سادە ڕووخێکی لە دیوانا
سادەپەرەستی
لە کتێبی:
دیوانی مەزڵووم
بەرهەمی:
مەزڵووم (1916-1955)
1 خولەک
537 بینین
هەر کەسێ نەیبێ سادە ڕووخێکی لە دیوانا
مایەپووچ و ڕووت و قووت بێ لە دین و لە ئیمانا
هەر کەسێ سادەپەرەستە بیپارێزە ئیلاهی
لە غەم و دەرد و بەڵاو موسیبەت لە جیهانا
مورشیدە سادەپەرەستی موریدیەتی ئەمانە:
خورشیدە چ فەرهادە، چ یوسف لە زەمانا
عەزیزە، خۆشەویستە، موعتەبەرە براکەم!
ئەم عەشقە لە نەزەر ئەهلی عەشق و ئیمانا
تەسخیر و کەمەندکێشی ئەم عەشقەیە بزانە:
سەد یوسف و زڵێخا شۆرەسوارن لە بیابانا
سەربەست و هونەرمەندە، چاپوو کە عاشقی
چالاک و جەسوورە، چ شێرێکە لە مەیدانا
ئوسول و قاعیدەی عاشق وەهایە مەزڵوومناسناوی ئەدەبی
سووتانە بە بێ دەنگی لە بەیانا