بەو نوورە کە زاهیر بوو لەسەر ڕوویی موحەممەد
نووری موحەممەد
لە کتێبی:
دیوانی حەریق
بەرهەمی:
حەریق (1856-1909)
1 خولەک
2277 بینین
بەو نوورە کە زاهیر بوو لەسەر ڕوویی موحەممەد
عالەم هەموو ئاشوفتە بوو وەک موویی موحەممەد
مەخجوول و سەرئەفکەندەیە نەسرین و وەنەوشە
بۆ موویی سەمەنبوویی دوو گیسوویی موحەممەد
مەجزووبە هەموو کەس بە ڕمووز و بە ئیشارە
مەجبوورە لە دەس ساعید و بازوویی موحەممەد
سەروی چەمەنیش پێی لە گڵ و خاری غەمایە
لەرزانە لە حەسرەت قەدی دڵجوویی موحەممەد
لالەش وەکوو من سینەیی پڕ حەسرەت و داخە
تا دیویەتی ڕوخسارەیی گوڵبوویی موحەممەد
«بورهانە» لەسەر نەفیی مونافاتی شەو و ڕۆژ
موویێ کە پەرێشانە لەسەر ڕوویی موحەممەد
عالەم وەکوو من جەرگی بڕاوە بە نیگاهـ و
ڕەمکردن و ئیستادەنی ئاهوویی موحەممەد
ڕۆح و دڵ و دینت هەیە هەرسێکی حەریقیناسناوی ئەدەبی
سەرفی کە لەڕێی وەسف و سەناجوویی موحەممەد