لە پەسنی کۆیە و کاربەدەستان
لە کتێبی:
دیوانی ڕاجی
بەرهەمی:
ڕاجی (1912-1969)
2 خولەک
104 بینین
خاکی وڵاتی «کۆیەشوێن»، بەرچاوەکەی بەهارە
هۆنراوی ئیش و کاری، لە چاومدا دیارە
هۆزێکی وا بە پێشچوون، وەک پیری بیر و دڵخوون
بە تێکۆشین و دەرچوون، شێر و پڵینگ و مارە
بۆ کیمییای ئیداریی، قائیممەقامی عادیل
«شامیل بەگکەس»ی جگەردار، شاباز و شاسوارە
بۆ ئیستیلای حقووقی، «عەلائەددینکەس»ی حاکم
لەم کۆمەڵەی بە ناوبانگ، ئەو کانی ئیشوکارە
بۆ ئیندیفاعی میللەت، ڕۆڵەی «حیکمەت ئەفەندی»
مدیری مەکس و گومرگ، ڕۆحی دڵ و دەمارە
مدیرەکانی زانین، سەرچاوەیی هومێدن
لەم مەردە سەروەرانە، ئەم کوردە بەختیارە
ساحێب نفووسی کۆیە، «جەمال ئاغای حەوێزی»
بۆ ئینتیزامی میللەت، پڕ کۆشش و لەبارە
زەخیرەداری خێزان، تەموینی ناوە ئیمڕۆ
فەقیر و دەوڵەمەندان، هەموو دەکا ژمارە
شورتەی ئەگەر ئەناسن، چ دائیرێکە، بیڵێم!
بۆ نەخش و تەونی میللەت، جانداری جان بێدارە
سەربەستی نیشتمانیی، تەجنیدی سەر بڵندە
وەک موغنەتیسی ڕۆژە، یان کەهرەبایی شارە
ئاغا لەگەڵ ئەهالی، بە لوتف و چاوەدێرن
بارانی فلس و دینار، لەبەر دەسی توجاڕە
مقیاسی بەیع و بازاڕ ڕاست و تەواوە، بکڕن
پێویست، لەسەر دووکانی بەقاڵە یا عەتارە
ئەم ڕەبت و زەبتە وابێ، چیمە لە چەرخی دەوران؟
ئەم عەدل و دادە مابێ، بۆچیمە ئیستیمارە؟
سەری خۆش و دڵی خۆش، ڕاجیناسناوی ئەدەبی لە کۆیە ماوە
پێشکەش ئەکەم سوپاسم، تا ماوم لەم کەنارە