ئەو دوژمنە سەگبابە، لە یارا بە نەزەر چوو
لە کتێبی:
دیوانی ڕاجی
بەرهەمی:
ڕاجی (1912-1969)
1 خولەک
99 بینین
ئەو دوژمنە سەگبابە، لە یارا بە نەزەر چوو
ئەو سەرکەشە مەحبووبە، لە دوژمن بە سەمەر چوو
سەیری کە لەسەر سککەیی ڕووی، توڕڕەیی زوڵفی
بۆ دەستی منی خەستە، لە لێوم بە هەدەر چوو
مەیلی کەمەرم چونکە لە دڵ پڕ جەوەلانە
هەر موویی نیکاتم لە عەجەبدا، بە کەمەر چوو
سەرکێشە لە ئەم دائیرە، بۆ مەرکەزی ئیحسان
یارێ، کە بەلای عاشقی مسکین بە سەفەر چوو
وەک شوعلەیی ڕەخشەندە، لە سیلابی ڕیفاقەت
دڵ هاتە نەزەر وەسڵت و نەیزانی لەسەر چوو
ئیمڕۆ، کە زەدەی نەشتەری جەللادی برۆتم
خوێنم بە حەرەمخانەیی موشتاقی جگەر چوو
لەم حوجرە کەوا کەوتووی ڕاجیناسناوی ئەدەبی بە خەیاڵات
تووتی دڵەکەت وایە، لەبەر مەیلی شەکەر چوو