پەنجەرەکان
وەرگێڕاوی شیعرێکی مەهدی ئەخەوان سالیس
لە کتێبی:
زڕەی زنجیری وشە دیلەکان
بەرهەمی:
جەلال مەلەکشا (1952-2020)
1 خولەک
695 بینین
وەک دوو پەنجەرەی بەرامبەر یەک بووین
غافڵ لە دەور و سووڕی فەڵەک بووین
هەموو ڕۆژ سڵاو، پرسیار، پێکەنین
قەرار و وادەی ژوانێکی شیرین
عومری عەشق کورتە چەغار سەد چەغار
وەک شەوی پووشپەڕ ڕۆژی بەفرانبار
ئێستا دڵی من خەستە و شکاوە
لە دوو پەنجەرە، یەکیان بەستراوە
نە خەتای ڕۆژ و نە مانگ جادووی کرد
لەعنەت لە سەفەر هەرچی کرد، وی کرد