(...)
لە کتێبی:
زڕەی زنجیری وشە دیلەکان
بەرهەمی:
جەلال مەلەکشا (1952-2020)
1 خولەک
447 بینین
ئەوین وەکوو بورکان، وەک بوومەلەرزە
چیای بەرزی دڵم ئەخاتە لەرزە
هەر ئازارە هەڵئەشاخێ بە گژما
هاوار ئەکا ڕۆحم لە ژێر تەوژما
بەربینگی لێگرتووم چەقۆی هەناسە
بۆتە پەنگاو لە چاوما ئەشکی تاسە
هەزار هاوار لە ناو دڵما خنکاوە
چارەنووس و ژیانی خۆم دۆڕاوە
لە گێژاوا ماوم بەبێ لەنگەرێ
بەدی ناکەم باوەشی هیچ بەندەرێ