عاشقکوژ و بێ ڕەحمە
لە کتێبی:
کڵپەی دەروون
بەرهەمی:
مەلا عەبدولڕەحمانی فاتیحی (1930-2002)
1 خولەک
373 بینین
ڕەعنا قەد و، ئاهوڕەووشە، حۆرییە، دڵبەر
ڕوومەت گوڵ و، نەرگس نیگەهـ و، شەمعی مونەووەر
ئەتڵەس لەبەر و، مووکەمەر و، ساق بلوورە
شوعلەی قەمەر و، لەب شەکەر و تاجی سکەندەر
سینە سەدەف و، خەندە دەم و، حۆری جەبینە
خونچەی چەمەن و، یاسەمەن و، شۆخ و دلاوەر
چاوی ڕەش و، ئەبرۆکەچ و، برژانگی خەدەنگە
بۆتە هەدفی تیری موژەی، جەرگی قەلەندەر
هەر جارێ کە دەکا زوڵفی پەرێشانی، لەسەر شان
شمشاد و نەی و سەروی ڕەوان، خەجلەتە یەکسەر
عاشقکوژە، بێ ڕەحمە، دەکا سینە بە بریان
ئەو زوڵمە نەبینراوە لە هیچ حاکم و بەگلەر
بۆ جەرح و برین، هەر ئەوە لوقمانی زەمانە
چوون دەس زەدەیی خۆیەتی، نە برینی بە خەنجەر
نەققاشی دەم و سووڕەتی ئەو دڵبەرە کێیە؟
مەعلووم نەکشاوی بەشەرە، سەنعەتی داوەر
غەرقی خەمتە «فاتیحیناسناوی ئەدەبی» ئەوڕۆکە بە هیجران
ڕوحمێ بکە توخوا بە دڵی مات و موکەددەر