شەماڵ شەبگەردیت پەی من کەر نە کار

لە کتێبی:
کۆمەڵەی شیعری فەقێ قادری هەمەوەند
بەرهەمی:
فەقێ قادری هەمەوەند (1830-1890)
 1 خولەک  218 بینین
شەماڵ شەبگەردیت پەی من کەر نە کار
مەنزڵ وە مەنزڵ تا مەنزڵگای یار
مەشی و مەویەریت بیر دمات بۆ
چەمەڕای ڕاتم شەوان تا وە ڕۆ
بەو نەسیمەی ڕەوح هەنگام وروود
بێدارش کەردی وەنەش کەر سوجوود
عەرزەی عەریزەی سەحیفەی دەروون
بوانە جە لای قیبلەم بە مەزموون
هەم عەرز کەر وەنەش یەک هیجران بارێ
سەراپا عوریان جە گیان بێزارێ
نە هەردەی دوجەیل گرتەنش مەکۆ
چون ساوای سەرسام وێڵ وێڵ مەگێڵۆ
جە دووریی باڵای تۆ سینە چاکەن
بالینش سەنگەن، لیحافش خاکەن
مەیلت قووەتش، ئونسش نام تۆ
گا مات بەیدا، گا دەوان پەی کۆ
گا سوڵتان عەشق، گا زەلیل و خوار
گا هەمڕاز وەحش، گا خەستەی خومار
بەیان کەر تەمام ئەی زایەڵەی شین
ئەی نار فیراق، ئەی ئاب ئەسرین
بەڵکم ئەو نازار جقەی تەل نە فەرق
ڕەحمێ کۆ بە حاڵ بەندەی نە غەم غەرق
پەی ڕەوشەنیی قەلب سیای دەیجووری
بنویسۆ جەواب نامەی مەهجووری
ئەر شادم کەردی بە جەواب یار
من ئازاد غەم، تۆ مەست دیدار
«فەقێناسناوی ئەدەبی» ڕۆح جە قەید کەدەر بی ئازاد
شەرتەن خەزنەی دڵ پەرێت کەم گوشاد