şemał şebgerdît pey min ker ne kar
From the Book:
Komele Şîrî Feqê Qadirî Hemewend
By:
Faqe ghader hamawand (1830-1890)
1 minutes
468 views
şemał şebgerdît pey min ker ne kar
menził we menził ta menziłgay yar
meşî û mewyerît bîr dimat bo
çemeřay řatim şewan ta we řo
bew nesîmey řewḧ hengam wirûd
bêdarş kerdî weneş ker sucûd
’erzey ’erîzey seḧîfey derûn
bwane ce lay qîblem be mezmûn
hem ’erz ker weneş yek hîcran barê
serapa ’uryan ce gyan bêzarê
ne herdey duceyl girtenş meko
çun saway sersam wêł wêł megêło
ce dûrîy bałay to sîne çaken
balînş sengen, lîḧafiş xaken
meylit quwetiş, unsiş nam to
ga mat beyda, ga dewan pey ko
ga sułtan ’eşq, ga zelîl û xwar
ga hemřaz weḧiş, ga xestey xumar
beyan ker temam ey zayełey şîn
ey nar fîraq, ey ab esrîn
bełkim ew nazar ciqey tel ne ferq
řeḧmê ko be ḧał bendey ne ẍem ẍerq
pey řewşenîy qelb syay deycûrî
binwîso cewab namey mehcûrî
er şadim kerdî be cewab yar
min azad ẍem, to mest dîdar
«feqêPen name» řoḧ ce qeyd keder bî azad
şerten xezney dił perêt kem guşad