بنا بر شیون سوگواری کدخدا سلیمان برادر بزرگش
لە کتێبی:
کۆمەڵەی شیعری فەقێ قادری هەمەوەند
بەرهەمی:
فەقێ قادری هەمەوەند (1830-1890)
2 خولەک
218 بینین
شەهسوارم ڕۆ .. شەهسوارم ڕۆ!
شەهباز شەش دانگ شەهسوارم ڕۆ!
فەرەیدوون تەلعەت سەهمدارم ڕۆ!
ئەسکەندەر ئەساس حاتەموارم ڕۆ!
کەیخوسرەو دەماغ، سیا وەحشم ڕۆ!
فەرامورز یەل، جیهان بەخشم ڕۆ!
سەرتیپ سەرهەنگ سان سوپام ڕۆ!
نادیرەی ئەییام عەلەم وەپام ڕۆ!
سەردار زۆر مشت سیاماڵم ڕۆ!
عەمارەت نومای چەمچەماڵم ڕۆ!
شێر بێ ئارام سەر بیساتم ڕۆ!
کۆی زات هونەر پڕ سیفاتم ڕۆ!
ئاغا وەی ئەساس، وەی هەیئەتەوە،
وەی زومڕەی غوڵام شێر هەیبەتەوە،
بەی ئەسباب ڕەزم سان سوپاوە،
بەی گشت بەگلەران وە پا مدراوە،
مەر بە کۆ لوای؟ عەزمت نە چێش بی؟
پەی چێش خاترت وەی تەورە ڕێش بی؟
میرزام ویەردی بە نەوجەوانی
سەد حەیف نەیاوای وە کامەرانی
میرزام غوڵامان کەمەربەستەت کۆ!
میرزام بەگلەران جە بەند دەستەت کۆ!
میرزام کەوکەبەی سولەیمانیت کۆ!
زەمزەمەی سەرای نەوشیروانیت کۆ!
مەحفەل ئارای بەزم هەر شەوانت کۆ!
سەدای دار و گیر دلێرات کۆ!
سەر وەردار جە خەو، عاڵەم سەرسامەن
بێ فەرمان تۆ، کار ناتەمامەن
جەنگی سواران ئاهشان سەردەن
ماچان دوژمنان خورووجشان کەردەن
حەرفشان ڕاستەن میرزام ورێزە
دوشمنان یەک یەک دڵ نە ستێزە
حەیف نییەن پەی تۆ بتەرسی نە جەنگ؟!
وەی تەور بنیشی بێ سەدا و بێ دەنگ؟!
دوژمنانت شاد، دۆسان زاریشەن
والییان پەرێت بێقەراریشەن
کونیەت مەردان باوەرە بە یاد
وێت جە قەید بەند گڵکۆ کەر ئازاد
میرزام ها گوڵگەشت بەهار ئاماوە
ڕەم ڕەم وەحشییان ئالوودەی خاوە
میرزام قوشچییان هەردەم قووقووشەن
هەردەم چەمەڕای فەرمان تووشەن
فەڕاشان بەزم مدران وە پاوە
هەر یەک یەقە چاک دڵ وە عەزاوە
خاتوونان نیلی، مەهڕووان دڵ چاک
زیڕەی نازاران سەر دان وە ئەفلاک
یە ناڵەی منەن زوحەل کەردەن ڕێش
نە بورج میڕڕیخ نەگبەت واران لێش
ئەم جار بۆ وە سەیر ئەی بەدبەختیی من
ئەی هەناسەی سەرد سیاڕەختیی من
ئەی ڕووسیایی و شەرەساریی من
ئەی زاریی دەروون، بێ قەراریی من
تۆ ها ویەردی عوقبات بە کام بۆ
پەی من بە جا مەند سەدەمەی بێ شۆ
فەقێناسناوی ئەدەبی دڵ جە بیم سەکەرەی مەمات
بدەر بە سەردا تا داری حەیات