bina bir şîwin sugwarî kidxida silîman biradir bizirgiş
Li pirtûka:
Komele Şîrî Feqê Qadirî Hemewend
Berhema:
Feqê Qadrî Hemewend (1830-1890)
2 Xulek
460 Dîtin
şehsiwarim řo .. şehsiwarim řo!
şehbaz şeş dang şehsiwarim řo!
fereydûn tel’et sehmidarim řo!
eskender esas ḧatemwarim řo!
keyxusrew demaẍ, sya weḧşim řo!
feramurz yel, cîhan bexşim řo!
sertîp serheng san supam řo!
nadîrey eyyam ’elem wepam řo!
serdar zor mişt syamałim řo!
’emaret numay çemçemałim řo!
şêr bê aram ser bîsatim řo!
koy zat huner piř sîfatim řo!
aẍa wey esas, wey hey’etewe,
wey zumřey ẍułam şêr heybetewe,
bey esbab řezim san supawe,
bey gişt begleran we pa midrawe,
mer be ko lway? ’ezimit ne çêş bî?
pey çêş xatirit wey tewre řêş bî?
mîrzam wiyerdî be newcewanî
sed ḧeyf neyaway we kameranî
mîrzam ẍułaman kemerbestet ko!
mîrzam begleran ce bend destet ko!
mîrzam kewkebey suleymanît ko!
zemzemey seray newşîrwanît ko!
meḧfel aray bezim her şewanit ko!
seday dar û gîr dilêrat ko!
ser werdar ce xew, ’ałem sersamen
bê ferman to, kar natemamen
cengî swaran ahşan serden
maçan dujminan xurûcşan kerden
ḧerfişan řasten mîrzam wirêze
duşminan yek yek dił ne sitêze
ḧeyf nîyen pey to bitersî ne ceng?!
wey tewr binîşî bê seda û bê deng?!
dujminanit şad, dosan zarîşen
walîyan perêt bêqerarîşen
kunyet merdan bawere be yad
wêt ce qeyd bend giłko ker azad
mîrzam ha gułgeşt behar amawe
řem řem weḧşîyan alûdey xawe
mîrzam quşçîyan herdem qûqûşen
herdem çemeřay ferman tûşen
feřaşan bezim midran we pawe
her yek yeqe çak dił we ’ezawe
xatûnan nîlî, mehřuwan dił çak
zîřey nazaran ser dan we eflak
ye nałey minen zuḧel kerden řêş
ne burc mîřřîx negbet waran lêş
em car bo we seyr ey bedbextîy min
ey henasey serd syařextîy min
ey řûsyayî û şeresarîy min
ey zarîy derûn, bê qerarîy min
to ha wiyerdî ’uqbat be kam bo
pey min be ca mend sedemey bê şo
feqêNasnava edebî dił ce bîm sekerey memat
bider be serda ta darî ḧeyat