راهی شدن حضرت رسالت پناهی ﷺ با گروه انبیاء و اولیا و علما و صلحا به عبور صراط
لە کتێبی:
کۆمەڵەی شیعری فەقێ قادری هەمەوەند
بەرهەمی:
فەقێ قادری هەمەوەند (1830-1890)
1 خولەک
430 بینین
ئەنبیا و ڕوسول جوملە نە بوراق
سوار مەبن بە ئەمر عەلیم خەللاق
جەودەم یەک نیدا خێزۆ نە جیهات
بکێشن عەلەم سیرات پەی جەننات
ڕاهی مەبۆ سەف شاهـ عەرەبی؛
یەعنی موحەممەد سەرخێل نەبی
فریشتان لیوای حەمد داران بە دەس
موحەممەد جە پێش، ئەنبیا جە پەس
شوهەدا و ئەسحاب، زوڕیەی ئەولیا
بەستشان سوفووف بەعد ئەنبیا
سینف عولەما، کول موجتەهیدین
زوڕیەی سولەحا، سینف موخلیسین
دمای موخلیسین سینف موئمینین
دمای موئمینان فیرقەی موسلیمین
دمای موسلیمین زوڕیەی زاڵمان
دمای زاڵمان فیرقەی کافران
دوخان دۆزەخ دنیا کەرۆن زەنگ
مەلەک دایرەی هەر سەف کەرۆن تەنگ
سوفووف عالەم زومرەی مەخلووقات
کول مەبان ڕاهی پەی پرد سیرات
بە فەرمان زات ڕەئووف و لەتیف
خێزۆ شەعشەعە جە بەین سوفووف