حق سبحانه و تعالی فرمود: «إِنَّ زَلْزَلَةَ السَّاعَةِ شَيْءٌ عَظِيمٌ»

لە کتێبی:
کۆمەڵەی شیعری فەقێ قادری هەمەوەند
بەرهەمی:
فەقێ قادری هەمەوەند (1830-1890)
 3 خولەک  221 بینین
ئەنواع زی ڕۆح جە هەر کەم و بێش
سەف سەفەن هەر سینف با ئەسناف وێش
پەرێ ئێد خاسەن جە دار دنیا
بگێری ئولفەت چەنی سولەحا
هەرکەس با هەر سینف بگێرۆ ئولفەت
داخیلەن بەو سینف فەردای قیامەت
ئینس و جینن و تەیر، وەحش و شەیاتین
کول مەست دیهشەت مدران دڵ حەزین
جە بیم عەزاب زەلزەلەی نوشوور
نمەبۆ جە کەس دەڕڕاکەی شوعوور
ئیناس و زکوور، والید و وەلەد
بێخەبەر نە یەک بە هەم موخەللەد
جە یومن و یوسر و جە پێش و جە پەس
هەرکەس بێ خەبەر جە ئەحواڵ کەس
پدەر جە فرزەند وێش هەراسانەن
هەرکەس مونتەزیر عەرش ڕەحمانەن
ئیناس و زوکوور جوملە عوریانەن
هەر کەس نە کەردەی وێشان حەیرانەن
جوملە عالەمین مدران موعەتتەل
بێحەرەکە و سەوت، مەست، «لايعقلعەرەبی»
خۆرشید جە سەمای چارەمەن ئەلئان
ئەوسا جە یەکەم وێش مەدۆ نیشان
ئیستە پشت بە ئەرز، ئەوسا ڕوو بە خاک
عالەم جە هەوای تەمووزش هیلاک
ئەنبیا جە بیم زات ئەقدەسی
هەرکەس نە ئەفکار «نفسي، وا نفسي!عەرەبی»
سەف هەر ئەسناف جە هەم تەریکەن
دائیرەی هەر سەف کول مەلائیکەن
سەد و بیست سەفەن سینف ئینس و جان
بەین شەرق و غەرب سەراسەر پۆشان
هەشتادش ئوممەت یاسین و طاهاعەرەبین
چهیلش ئوممەت باقی ئەنبیان
جەمیع ڕوسول ئەنبیا تەمام
هەرکەس بە ئوممەت وێشان نە قیام
چون یەک سەف کیتاب نەداران بە کەف
نییەن ئەنبیا داخیل بە ئەو سەف
زیادیی سوفووف ئوممیی موختار
«ظاهراًعەرەبی» حیکمەت ئێدەن بە ئەفکار
ئوممەت ئادەم «عليه السلامعەرەبی»
تا بە عەهد شیثکەس مەیۆ بە خیتام
هەم ئوممەت شیثکەس تا عەهد نووحەن
جە نووح تا خەلیل بابش مەفتووحەن
ئەمما نە هەر چوار، مەر نە فرووعات،
ناسیخ و مەنسووخ نەبی واقیعات
ئوممەت خەلیل «عليه السلامعەرەبی»
نە عەهد مووسا ئاما بە خیتام
مووسا بە ئەحکام تەورات بی مەوسووف
ناسیخ بی ئەحکام جەمیع سوحوف
تەورات مووسا تا عەهد داوود
حوکمش باقی بی بە ئەمر وەدوود
زەبوور داوود تا عەهد عیسا
تەنزیل ئینجیل حوکمش کەرد تەبا
چون پەی موحەممەد تەنزیل بی فورقان
ناسیخ بی کوتوب جەمیم ئەدیان
نە جەمع کوتوب نە عەهد وێشان
هەرکەس عیسیان بی جە حەق بی عیسیان
جەمیع ئوممەت سائیر ڕەسوول
هەر چی ئیتاعەش کەردەبۆ قەبوول
جە عەهد وێشان جە دار دونیا
ئەگەر کەردەبان سەواب و خەتا
جەزا و موکافات، سوئال و جەواب
جە پای میزاندا مەبۆ بە حیساب
جە بەعد ناسیخ بەی تەورەن تەفسیر
ئەوکەس جە کیتاب ئوخرا بێ مونکیر
ئەوکەسان بە کوفر عەد مەبۆ حیساب
نەداران حیساب سوئال و جەواب
چەنی بێ کیتاب مشن پەی جەحیم
موئەببەد مەبان جە دۆزەخ موقیم
فورقان ڕەسوول جە دار دونیا
باقییەن حوکمش تا یەوم عوقبا
سەبەبش ئێدەن نەبییی هودا
سەففش زیادەن نە هەر ئەنبیا
کافران جە خاک چون مەبان مەحیا
هەرکەس پەرێ وێش مەکۆ واوەیلا
ماچان ئەو وەعدەن حەق مەکەرد بەیان
سادق بین جە قەول جەمع ڕەسوولان