رکن چهارم تعداد فروضات و شروط اسلام
لە کتێبی:
کۆمەڵەی شیعری فەقێ قادری هەمەوەند
بەرهەمی:
فەقێ قادری هەمەوەند (1830-1890)
2 خولەک
252 بینین
ڕوکن چەهارەم کول فرووزاتەن
نوماز و ڕۆزە و حەج و زەکاتەن
«كُتِبَ عليكم الصيامعەرەبی» جە فورقان
حەق کەردەن تەخسیس شەهر ڕەمەزان
«اقيموا الصلاة و آتوا الزكاةعەرەبی»
تەئکیدش کەردەن قورئان بە دەفعات
فیترەی سەر داخیل ئایەی زەکاتەن
جە لای شافیعی نە واجیباتەن
نە پەنج وەقت نومان هەڤدە ڕەکەعات
فەرزەن ئەدا کەی تا داری حەیات
هەر ساڵە ڕۆزەی ماهـ ڕەمەزان
فەرزەن بگێرید ئەر نەبی نوقسان
حەیوان مەئکوول، نەقد و قووت عام
فەرزەن جە نیساب زەکات کەی ئینعام
هەم جە فەرز حەج ئەگەر کەی تەحقیق
«وليطوفوا بالبيت العتيقعەرەبی»
پەی وجووب حەج یەقین کەر بینا
«من دخله كان آمناعەرەبی»
فەرزەن هەر غەنی، بێ مانیع بۆ ڕا،
جە عومرش یەک بار حەج کەرۆ ئەدا
ئەو کەس بە موسلیم موئمین مەوسووفەن
پەرهێز جە مونکەر، ئەمرش مەعرووفەن
هەم ئەکل و شوربش حەلال بۆ مەدام
ئیجتیناب کەرۆ جە کولل حەرام
حەسەبەی حەدیس نەبییی مەننان
ئەمین کۆ ئیسلام جە دەست و زوبان
هەم جە حەڵاڵ کۆ سەدەقە و عەتا
قەسدش پەی حەق بۆ خاڵی جە ڕیا
هەم جە ئەولیا حەققەن کەرامات
بەو شەرت بێ شەرعی جیش نەبۆ ئیسبات
موحەممەد ئەفزەل کولل ئەنبیان
مەقام مەحموود جە حەق بەو عەتان
ئووممەتش بەو تەور جە کولل ئوممەت
زیادەن فەزڵش جە قاپیی قودرەت
بزورگ ئوممەت «سيد الانامعەرەبی»
ئەووەڵ ئەعداد کەر ئەسحاب کیرام
چوار یار نەبیی، جە بەین ئەسحاب،
فەزڵشان مافەوق ئەسحاب کەر حیساب
چە بەعد چوار یار حەسەن و حوسەین
حەمزە و عەبباسەن جە بەعد سیبتەین
ها ڕوکن چارەم ئاما بە میزان
پەنجەم ئەدا کەر شەش ڕوکن ئیمان