گفتار در اصل و رسم ملائکه آسمان

لە کتێبی:
کۆمەڵەی شیعری فەقێ قادری هەمەوەند
بەرهەمی:
فەقێ قادری هەمەوەند (1830-1890)
 3 خولەک  291 بینین
جە ڕوکن سییەم گرۆی فریشتان
بێ حیساب جە تۆی هەر هەفت ئاسمان
جیسم لەتیفەن عولوی و نوورانی
مەئموورەن بە ئەمر زات سوبحانی
بە ئەنواع ڕەنگ مەنمانان تەشکیل
بە خووگ و بە سەگ نمەبان تەبدیل
هەم زیلجەناحەن جوملە بە یەکبار
دوو دوو و سێ سێ داران تا چەهار
بێ پەردەی مانیع فریشتەی سەما
نییەن نە هەر هەفت خاڵی جای یەک پا
گا تەیران پەی ئەرز، گا پەی سەماوات
بە «طرفة العينعەرەبی» تەی مەکەن بیسات
هەم سینف عومووم زومرەی فریشتان
جە نەڕ و مادە نەداران نیشان
هەم ڕەسوول داران، هەم نەبی و وەلی
هەم عالم داران جە عیلم مەعنی
«اخی جبرئيلعەرەبی» فەزڵ میکائیل
قابیز ئەرواح چەنی ئیسرافیل
جە بەین عومووم مەلایەک تەمام
هەر چوار ڕەسوولەن بە وەحی و ئیلهام
بەعزێ نە تەمجید حەمد ئیلاهی
بەعزێ نە تیزکار عالەم پەناهی
بەعزێ نە قیام تا قام قیام
بەعزێ نە ڕوکووع «دائم المدامعەرەبی»
بەعزێ تا مەحشەر هەر نە سوجوودەن
بەعزێشان زیکرش هەر نە قوعوودەن
بەعزێشان غەریق دەریای شوهوودەن
مەست «لا يعقلعەرەبی» لیقای مەعبوودەن
حەیران ئەنوار زات ئەعزەمەن
بێ خەبەر نە کار هەر دوو عالەمەن
فریشتان نە زیکر غافڵ نین یەک ئان
بێ عیللە و بێ خورد، بێ جورم و خەتان
جیبرەئیل مەئموور پێغەمبەرانەن
تەبلیغ کونندەی وەحیی قورئانەن
میکائیل مەئموور باد و بارانەن
ڕوویندەی نەبات، هەر ئەشجارانەن
مەئموورەن بە ڕزق جوملە مەخلووقات
بە گەرمی و سەردی و میزان ئەوقات
هەم شاگردانش بە ئەمر داوەر
تەسەڕڕوف داران جە بەرگ و سەمەر
«دائماًعەرەبی» بە ئەمر جیهان ئافەرین
مەکەن تەسەڕڕوف جە ئەشیای زەمین
مەئموورەن جە حەق بە لەیل و نەهار
بە ڕوویانندەی نەبات و ئەشجار
بەعزێشان بە ئەمر دانای پڕ کەرەم
مەئموورەن بەو تیفل جە ڕەحەم شکەم
هەم یەک فریشتە بە ڕەعد مەشهوورەن
بەر ئەبر و بارشت باران مەئموورەن
هەر قەترە باران مەکەرۆ تەنزیل
یەک مەلەک دارۆ بە ئەمر جەلیل
بەعزێشان مەئموور بادەن هەر زەمان
بەعزێشان حافیز ئینسانەن نە «جانّ»
هەم جە ڕووی زەمین جنوود یەزدان
حافیزەن جە ئەرز بە ئەمر و فەرمان
چار مەلەک نە دۆش جینن و بەشەرەن
مەئموور بە تەحریر هەر خەیر و شەڕەن
عیزرائیل بە ئەمر قوددوس و سوببوح
مەئموورەن بە قەبز ڕووح هەر زی ڕووح
ئیسرافیل بە ئەمر یەزدان مەئموورەن
جە ئەمر عوزمای نەفخەیی سوورەن
«حَمَلَةُ العرشعەرەبی» موقەڕڕەبانەن
فریشتەی ڕەحمەت زات یەزدانەن
نە مەحمەل عەرش چەهارەن ئەلئان
فەردای قیامەت هەشتەن بێ گومان
مەئموور ئوموور عەلیم وەههاب
کەڕڕووبییانەن فریشتەی عەزاب