giftar dir asil û risim mila’kih asman
From the Book:
Komele Şîrî Feqê Qadirî Hemewend
By:
Faqe ghader hamawand (1830-1890)
3 minutes
497 views
ce řukin sîyem giroy firîştan
bê ḧîsab ce toy her hefit asman
cîsim letîfen ’ulwî û nûranî
me’mûren be emir zat subḧanî
be enwa’ řeng menmanan teşkîl
be xûg û be seg nimeban tebdîl
hem zîlcenaḧen cumle be yekbar
dû dû û sê sê daran ta çehar
bê perdey manî’ firîştey sema
nîyen ne her hefit xałî cay yek pa
ga teyran pey erz, ga pey semawat
be «tirfة al’înArabic» tey meken bîsat
hem sînf ’umûm zumrey firîştan
ce neř û made nedaran nîşan
hem řesûl daran, hem nebî û welî
hem ’alim daran ce ’îlim me’nî
«axî cibir’îlArabic» feził mîka’îl
qabîz erwaḧ çenî îsrafîl
ce beyn ’umûm melayek temam
her çwar řesûlen be weḧî û îlham
be’zê ne temcîd ḧemd îlahî
be’zê ne tîzkar ’alem penahî
be’zê ne qyam ta qam qyam
be’zê ne řukû’ «da’im alimdamArabic»
be’zê ta meḧşer her ne sucûden
be’zêşan zîkirş her ne qu’ûden
be’zêşan ẍerîq deryay şuhûden
mest «la yi’qilArabic» lîqay me’bûden
ḧeyran enwar zat e’zemen
bê xeber ne kar her dû ’alemen
firîştan ne zîkir ẍafił nîn yek an
bê ’îlle û bê xurd, bê curim û xetan
cîbre’îl me’mûr pêẍemberanen
teblîẍ kunnidey weḧîy qur’anen
mîka’îl me’mûr bad û baranen
řuwîndey nebat, her eşcaranen
me’mûren be řizq cumle mexlûqat
be germî û serdî û mîzan ewqat
hem şagirdanş be emir dawer
teseřřuf daran ce berg û semer
«da’maًArabic» be emir cîhan aferîn
meken teseřřuf ce eşyay zemîn
me’mûren ce ḧeq be leyl û nehar
be řûyannidey nebat û eşcar
be’zêşan be emir danay piř kerem
me’mûren bew tîfil ce řeḧem şikem
hem yek firîşte be ře’d meşhûren
ber ebir û barişt baran me’mûren
her qetre baran mekero tenzîl
yek melek daro be emir celîl
be’zêşan me’mûr baden her zeman
be’zêşan ḧafîz însanen ne «canّ»
hem ce řûy zemîn cinûd yezdan
ḧafîzen ce erz be emir û ferman
çar melek ne doş cînin û beşeren
me’mûr be teḧrîr her xeyr û şeřen
’îzra’îl be emir quddus û subbuḧ
me’mûren be qebiz řûḧ her zî řûḧ
îsrafîl be emir yezdan me’mûren
ce emir ’uzmay nefxeyî sûren
«ḧemeleةû al’irşArabic» muqeřřebanen
firîştey řeḧmet zat yezdanen
ne meḧmel ’erş çeharen el’an
ferday qyamet heşten bê guman
me’mûr umûr ’elîm wehhab
keřřûbîyanen firîştey ’ezab