شەهەنشای کەونەین، خەللاق عالەم
لە کتێبی:
کۆمەڵەی شیعری فەقێ قادری هەمەوەند
بەرهەمی:
فەقێ قادری هەمەوەند (1830-1890)
2 خولەک
915 بینین
شەهەنشای کەونەین، خەللاق عالەم
پەنا دەهندەی عالەم و ئادەم
ئێدەن ئیلتیجای بەندەی شەرمەسار
من عەبد عاسی، تۆ ئاموزگار
تۆ سوڵتان کول، من عەبد ئەحقەر
تۆ غەنی جە عام، من موحتاج دەر
هەر چەند بێ حەدەن کردەی مەعاسی
غافڵ بیم جە یەوم «يؤخذ نواصیعەرەبی»
خەرمەنم کەردەن بەزر مەعسییەت
بە حوزوور دڵ نەداروون تاعەت
نەبیەن تەقسیرم جە هەر گوناهێ
ڕیشم سفید کەرد جە ڕووسیاهی
فیکر بێ مەجاز، تەقوای بێ ڕیا
نییەن جە ئەعمال ئەی عەبد گومڕا
کردەم نە عیسیان پڕ نە تەعجیل بی
نە ئیطاعەی ئەمر سست و کاهیل بی
جە فیراریی ئەمر، کردەی عیسیانم
ئیستە جە خەجڵەت وێم پەشیمانم
چون بە کردەی وێم مەکەروون نەزەر
نییەن نەجاتم جە نار سەقەر
ئەر نەزەر کەری بەو بەحری غوفران
بە قەترێ ڕەوان گونای بەندەگان
چون «لا تقنطواعەرەبی» جە فەرمانتەن
مەوجوودات قەترێ جە ئیحسانتەن
جە دەریای ڕەحمەت کیبریای ئەقدەس
کەس نییەن مەئیووس غەیر ئیبلیس خەس
بە عیززەتی شەئن زات «ذی الجلالعەرەبی»
ڕەحمێ کەر بە حاڵ، بەندەی بەدفیعال
عەفوم کەر بە لوتف حەیی «لا ينامعەرەبی»
مەغفیرەت کەر زەنب گوزەشتەی ئەییام
بەو بەحر ئەلتاف سەریع عاجیل
عەتاکەر وەنەم ئیمان کامیل
هەم فەرقم بە تاج ڕەزات کەر ڕەفیع
هەم ڕزقم نە جەنب حەڵاڵ کەر وەسیع
زوبانم نە زیکر سەنات زاکیر کەر
قەلبم نە تەحمید حەمدت شاکیر کەر
هەم ڕۆحم بە نوور ئیمان ڕەوشەن کەر
هەم جەی بەند سەخت عەبدت نەجات دەر
بدەر تەوفیقم حەکیم دانا
بەیان کەم تەفسیل «پەند حوکەما»
هەم فەقێناسناوی ئەدەبی! خەیاڵ نە تۆی دڵ کەر جەم
تەنقیس میزان نەیۆ بە ڕەقەم
چون فارسی بی پەند حەکیمان
بە لەفز کوردی کەردم تەرجومان
سا چون من ئەسڵم سینف ئەکرادەن
هەر کەس بە ئەمسال وێش خاتر شادەن