şehenşay kewneyn, xellaq ’alem
Li pirtûka:
Komele Şîrî Feqê Qadirî Hemewend
Berhema:
Feqê Qadrî Hemewend (1830-1890)
2 Xulek
916 Dîtin
şehenşay kewneyn, xellaq ’alem
pena dehnidey ’alem û adem
êden îltîcay bendey şermesar
min ’ebid ’asî, to amuzgar
to sułtan kul, min ’ebid eḧqer
to ẍenî ce ’am, min muḧtac der
her çend bê ḧeden kirdey me’asî
ẍafił bîm ce yewm «yؤxiz nwasîErebî»
xermenim kerden bezir me’sîyet
be ḧuzûr dił nedarûn ta’et
nebyen teqsîrim ce her gunahê
řîşim sifîd kerd ce řûsyahî
fîkir bê mecaz, teqway bê řya
nîyen ce e’mal ey ’ebid gumřa
kirdem ne ’îsyan piř ne te’cîl bî
ne îta’ey emir sist û kahîl bî
ce fîrarîy emir, kirdey ’îsyanim
îste ce xecłet wêm peşîmanim
çun be kirdey wêm mekerûn nezer
nîyen necatim ce nar seqer
er nezer kerî bew beḧrî ẍufran
be qetrê řewan gunay bendegan
çun «la tiqnitiwaErebî» ce fermanten
mewcûdat qetrê ce îḧsanten
ce deryay řeḧmet kîbryay eqdes
kes nîyen me’yûs ẍeyr îblîs xes
be ’îzzetî şe’in zat «zî alcilalErebî»
řeḧmê ker be ḧał, bendey bedfî’al
’efum ker be lutif ḧeyî «la yinamErebî»
meẍfîret ker zenb guzeştey eyyam
bew beḧir eltaf serî’ ’acîl
’etaker wenem îman kamîl
hem ferqim be tac řezat ker řefî’
hem řizqim ne cenb ḧełał ker wesî’
zubanim ne zîkir senat zakîr ker
qelbim ne teḧmîd ḧemdit şakîr ker
hem řoḧim be nûr îman řewşen ker
hem cey bend sext ’ebdit necat der
bider tewfîqim ḧekîm dana
beyan kem tefsîl «pend ḧukema»
hem feqêNasnava edebî! xeyał ne toy dił ker cem
tenqîs mîzan neyo be řeqem
çun farsî bî pend ḧekîman
be lefiz kurdî kerdim tercuman
sa çun min esiłim sînf ekiraden
her kes be emsal wêş xatir şaden