گفتار در وعظ حضرت رسالت پناهی

لە کتێبی:
کۆمەڵەی شیعری فەقێ قادری هەمەوەند
بەرهەمی:
فەقێ قادری هەمەوەند (1830-1890)
 2 خولەک  746 بینین
یەک ڕۆ موحەممەد شای «خير البشرعەرەبی»
ڕەوزەخوانی کەرد جە قەزا و قەدەر
بە یاران وێش وەی تەور دا ئیخبار
«جَفَّ القلمعەرەبی»ەن ماجەرای هەر کار
سەعید و شەقی جە عیلم سەبەق
جە بەتن مادەر تەفریقەن جە حەق
سەحابەی کیرام ئامان بە جەواب
کەردن ئیفادەی ئەو عالی جەناب
هەر گاهـ وەی تەورەن، بێ سوودەن تاعەت
هەنی جە تاعەت مەکەیم فەراغەت
مونکیر بین جە ئەمر سەلات و سیام
هەر یەک بە خانەی وێشان کەرد خەرام
سەدای موئەززین شنەفتن بە گۆش
پەیدا بین جوملە سەججادە بە دۆش
کەردش تەبەسسوم «سيد الانامعەرەبی»
ڕوو کەرد بە جانیب سەحابەی کیرام
پەی چێش نە ئەفکار وێتان بین نەدەم
نەبین جە گوفتار «ثابت القدمعەرەبی»
ئامان بە جەواب سەحابەی کیبار
یاد کەردن قەسەم بە پەروەردگار
وەقتێ هۆرێزام کەردیم تەعەههود
ناوەریم بە جا ئەمر تەعەببود
نیدای موئەززین چون کەردیم مەسمووع
نەدەم بیم جە کار بە تەوبەی ڕوجووع
ئاما بە جەواب نبووەت پەنا
فەرماش ئەی ئەسحاب جە کار بان ئاگا
هەر چەند بەی تەورەن ئەمما جە دنیا
دیارەن ئاسار شەقاو و هودا
هەر کەس بی مەشغووڵ تەقوا و عیبادەت
مەنمانۆ ئاسار نوور سەعادەت
هەر کەسێ نە کار بەدی کەرد دەوام
شەقییەن ئەو کەس جە «يوم القيامعەرەبی»