ئەی نەسیمێ سەحەرێ ما د مەجالا سوبەهێ
لە کتێبی:
دیوانی مەلای جزیری
بەرهەمی:
مەلای جزیری (1570-1640)
2 خولەک
357 بینین
ئەی نەسیمێ سەحەرێ ما د مەجالا سوبەهێ
سەد سەلامان بگەهینی ژ مە وێ پادشەهێ
عەرعەرا قامەت ئەلف نەیشەککەرا شۆخ و شەپال
نازکا سیمین تەن و خوسرەو و زەررین کولەهێ
د بەری دا تو ببووسی ب دوسەد زاری و لوتف
ئاستان و دەر و دیوار و شوباکێن قەلەهێ
نامەیا جەور و جەفا و ئەلەم و دەرد و غەمان
دی ب دەستێ زەرییێ موحتەشەمێ سەرو سەهێ
بەلکوو دلبەر ژ ڕوویێ عادلی و مەرحەمەتێ
ڕەحمەکێ کت ب فەقیران و بپرست گلەهێ
ما ژ بەر زەرب و فراقا تە سوکوونەک مە هەیە؟
جەرگ و دل هەردو ب نالینە وەکی چەنگ و ژەهێ
حەق دزانت د شەڤان شوبهەتی ئاڤێن د ڕەوان
مە ب دل زاری و کالینە حەتا سوبحگەهێ
«حجر أسودعەرەبی» بدرت دەست زیارەت بکرم
نەزر من بت بگرم خواس تەریقا مەکەهێ
دین ئەگەر بێتە بەها جان ددرم لێ ئەمما
مە هەزار جانێ عەزیزی دهلێتن د بەهێ
پەردەیا خێلی و چارێ تو ژ سەر دێمی هلین
دا ژ شەوقا تە ب خەف بت شەفەقا مهر و مەهێ
قەت دبت وەک تە شەپالێ نە د شام و نە د شەرق
کێ نشان دا د جەهان مسلی تە خوندکار و شەهێ؟
عالەمەک شەهدەیییا حوسن و جەمالا تە ددت
تو زولەیخایا زەمانی و چ حاجەت مەدەهێ
حەق نگەهدارێ تە بت پادشەها سەرو قەدان
ب کنارێ مە فەقیران بکە جارەک نگەهێ
خووبی و دلبەری و ناز و تەلەتتوف ب تە شێن
خوسرەوا پادشەهانی وە خودانا جەبەهێ
ژ ئەزەل حەق ب مەلێناسناوی ئەدەبی دایە ژ عشقێ قەدەحەک
تا ئەبەد مەست و خەرابین ژ مەیا وێ قەدەحێ