لاتێ حوسنی و شەهێ خووبانی
لە کتێبی:
دیوانی مەلای جزیری
بەرهەمی:
مەلای جزیری (1570-1640)
2 خولەک
326 بینین
لاتێ حوسنی و شەهێ خووبانی
ب خوە هەم خانی و هەم خاقانی
یووسفێ ثانیعەرەبی تو ئیرۆ خانم
کو ب حوسنا خوە نەدیری ثانیعەرەبی
ب سوڕ و هەیبەت و سەهمێ خوە پەری
ب تە شێتن ل بوتان سولتانی
ب تەبلخانەیێ شاهی وەرە تەخت
کو تو ئیرۆ شەهێ کوردستانی
کاکولێ بەردە ب سەر خال و خەتان
کو موسەلسەل بنومت ڕەیحانی
ئسمێ ئەعزەم مە دڤێ چل ئسمی
ژ دو حەرفان ب موعەمما زانی
چ بەرات بوو وە ب سەر دا کاکول
چین ب چین مەست ب توغرا ڕانی
تە چ حاجەت ب سولەیمانییێ حوسنێ
خاتەمەک لەعلە ب گەوهەر ئانی
چ خەت ئشکەستە موسەلسەل یا رەب
کو تە پێ نەسخ کری دیوانی
گەر چ پوڕ خال و نشانی ئەمما
ب نشانی کو تو بێ نشانی
ئەی پەری حووری سرشتێ هەر چەند
ب بەشەر ئادەمی و ئنسانی
سوڕێ سوبحان تە ژ حوسنێ دنومت
«أحسن اللهعەرەبی» ژ سوڕا سوبحانی
چ حەدێ عەقلە قیاسێ تە کرت؟!
ئەڤە بورهان کو تو بێ بورهانی
مە تەمەننا ژ نەسیم خاکێ ڕەهێ کر
پێ بکین دیدە و دل نوورانی
نەفەسەک بێ تە مە نایێ «باللهعەرەبی»
نە تنێ ڕووحی تو ڕووح و جانی
سەد هەزاران ژ تە پەیکان د دلن
لێ ل سەر وێ مە تنێ دەرمانی
تە برینێن مە کەواندن دیسا
ژ نوو ئاگر تە ل داغان دانی
تە مەلاناسناوی ئەدەبی پوڕ د جەگەر گەزمەنە لەو
وە پەریشانی و پوڕ ئێشانی