خەلیفەی سێیەم
لە کتێبی:
دیوانی خادیم (بەرگی ٢)
بەرهەمی:
خادیم (1895-1953)
1 خولەک
574 بینین
لە عەشقی حەزرەتی عوسمانی عەففان
سەرم دانا میسالی گۆ لە مەیدان
نیهالی گوڵشەنی حیلم و حەیا بوو
ئەدەب پەروەردەی باغی سەفا بوو
لە ڕەشحەی هەوری خولقی وەک بەهاری
لەسەر بەرگی شەقایق گوڵ دەباری
بە نووکی خامەی عەنبەرئەفشانی
وەها مەجمووعەی قورئانی زانی
سەریری خامە موژدەی بۆ جیهان بوو
دەلیلی ڕێگەی گومگەشتەگان بوو
بە ئەوجی جیلوەی شەهبازی قەدری
خیرەد مەعزووە ناگا خۆیی و فکری
لە کینەی ئەو حەسوودی پیس تینەت
..........دەقی نائاشکرا
سوپەهری دانیش و خورشیدی عیلمە
لە دەریای ئەدەب ئەمواجی حیلمە
سەدایی حیرەتە بەینی دوو کەففەین
یەکێ بۆ خۆی بووە ئەسحابی نوورەین
حەیا مەوجێ لە ئاوی گەوهەری بوو
نیگاهـ سەتری لەسەر ڕووی دەفتەری بوو
بە تەبعی نازکی جەوهەرنومایی
گوڵیش کەوتە تەلاشی ئاشنایی
لە حوسنی خەلقی دڵ جامی تەرەب گیر
لە ئەوزاعی حەیا دەرسی ئەدەب گیر
دڵی ئاوێنەی مەنزووری دەرگاهـ
جەبینی ئاستانی مەنزەری شاهـ
خەلیفەی سێیەمی سوڵتانی لولاک
لە هەر ئالایشی بوو دامەنی پاک