شۆخەکەی بێ ڕەحم و ئینساف قاتیلی جانم وەرە
لە کتێبی:
دیوانی عاجز
بەرهەمی:
عاجز (1929-1967)
1 خولەک
572 بینین
شۆخەکەی بێ ڕەحم و ئینساف قاتیلی جانم وەرە
باعیسی گومڕاهی شاهـ و شێخی سەنعانم وەرە
دڵ هەمیشە ئینتیزاری لوتف و ئینعامی تووە
دەردەمەندی قامەتی تۆم چاو بە گریانم وەرە
دڵ وەکو بولبول دەناڵێ تالیبی ئاوی گوڵە
هەر ئەتۆی پڕشەنگی ژینم ماهی تابانم وەرە
گیان و دڵ بۆ تۆ نەماوە پڕ لە ئاهـ و حەسرەتە
سینە پڕ جۆش و خرۆشە جانی جانانم وەرە
دائیما وەک سۆفی مەجزووبە بە عیشقی دولبەران
تا نەفەوتاوم عەزیزم پێشی فەوتانم وەرە
عاشقی وەک من لە بۆ تۆ زەحمەتە پەیدا ببێ
چاوەڕێی تۆم زوو لە بۆ باغ و گوڵستانم وەرە
پایزی هیجرانی تۆ وا ڕەنگی ڕووی زەرد کردووم
هەم لەبەر ساردی فیراقت ڕوو لە کێوانم وەرە
عاجزمناسناوی ئەدەبی ڕووحی ڕەوانم، پڕ لە ئێشە جەرگ و دڵ
تۆی تەبیبم زوو لە بۆ دەرمانی دەردانم وەرە