جەژنی قوربانە بە قوربان سەییدی دونیا و دین
لە کتێبی:
دیوانی عاجز
بەرهەمی:
عاجز (1929-1967)
1 خولەک
963 بینین
جەژنی قوربانە بە قوربان سەییدی دونیا و دین
مەوسیمی شادی و سروورە و من بە غەم مات و حەزین
کاتی ئەڵتاف و عەتایە گەرچی زۆر دوورم بەڵام
خوانی ڕەحمەت بەخشی تۆ بوو دوور و نێزیک دێتە دین
عادەتی جەژنانە گەرچی زیاڕەتە لاکین هەزار
جار قوڕی دونیا بەسەر من دوورە لێم ڕەوزەی ئەمین
هەرئەوەند ئەرجوو دەکەم لێت ڕۆژی مەحشەر زووبەزوو
بێی لە هاوارم شەفیعی خاس و عامی موزنیبین
کەس نییە غەمخۆری من بێ غەیری زاتی ئەنوەرت
چونکە بێ پشت و پەناهم «يَا إِمَامَ الْمُرْسَلِينَعەرەبی»
هەر لەبەر خاتری حوسەینی موتتەقی و مەحبووبی خۆت
هەم لەبەر وەعدی لە خەو دات زوو نەجاتم دە لە شین
خۆ لە بۆ تۆ عادەتە وافی بە هەر وەعدی بدەی
بۆ هەموو کەس چونکە توی «الصادِقُ الوَعدِ الأمِينعەرەبی»
وەقتی نەزع و قەبزی ڕوحم زوو لە ئیمدادم وەرە
زۆر دەترسێم ڕێم بگۆڕێ مەکری شەیتانی لەعین
وا موناجاتی تەواو بوو عاجزناسناوی ئەدەبیی بێ هۆش و گۆش
لێی قەبوڵ کە چونکە مەنسووبی تووە ئەی نازەنین