هەمیسان کەوتمە ناو دەریایی فیکرەت
لە کتێبی:
دیوانی سالم
بەرهەمی:
سالم (1800-1866)
1 خولەک
483 بینین
هەمیسان کەوتمە ناو دەریایی فیکرەت
سەری دا باز لە خاتر مەوجی میحنەت
هیلاکی کردْوم زەهری تەحەممول
سەبووریم چوو لەدەست ئەندووهی فیرقەت
سەنەندوج، باوجوودی باغ و گوڵزار،
بەبێ تۆ تارە لێم، وەک شامی میحنەت
دەجۆشێ خوێن لە دڵما میسلی دەریا،
بە ڕووما دێ، سروشکم هەروەکوو شەت
وەها کەوتومە سەر فرمێسکی چاوم
تەفاوت ناکرێ ئەسڵەن لەگەڵ بەت
کەماندارن جەفای چەرخ و غەمی یار
لەدەست تیری قەزایان نیمە موهلەت