با بناڵم
لە کتێبی:
سروەی بەربەیان
بەرهەمی:
قانع (1898-1965)
1 خولەک
721 بینین
با بناڵم بەم برینۆ تا بە ڕۆژی نەفخی سوور
لەشکری مەینەت بە جارێ قڕ بکا عەیش و سروور
وەک خەدەنگی قەوسی ئەبرۆی نەوجوانە قامەتم
موقتەبەس دال و ئەلف، لام و دالی بێ شعوور
نەک ئومێدە بۆ دڵ و نەک شادییە بۆ شەوق و عەیش
سەر لە یەک شێوێنن و، کۆچکردنیش بۆ خوار و ژوور
کەی لە هەر «دێ»وە ئەبێت تەرفیعی ئیعزازی وەتەن!؟
یا لە هەورامانۆ بکشێ بۆ محاڵی شارەزوور!؟
ئیتتیفاقی عامەیە مەرهەم لەبۆ دەرمانی کورد
کۆمەڵێک پێکۆ بنێن وەک ئیجتماعی سەلم و توور
کەی لە کردە نائومێد و بەشبڕاوە هیچ کەسێک!؟
بۆنی بۆگەن دێ لە سیر و عەتری خۆشبۆیە بخوور
تا قیامەت قانعاناسناوی ئەدەبی وەسیەت بکەی فایدەی نییە
کوردستانی کوشت بە جارێ، کانی با و پیرمەسوور