ئەی جوانان
لە کتێبی:
سروەی بەربەیان
بەرهەمی:
قانع (1898-1965)
1 خولەک
1070 بینین
ئەی جوانانی بێکەس و بێ دەر
ئەی جوانانی قوڕ بە شان و بە سەر
بۆ شکا خەنجەرت بە تۆپزی قیر؟
بۆ نەما شۆرەتت لە بەحسی هونەر؟
عەیبە بۆ ئەسپی سەرکەشی مەیدان
بێنموودە لە حاستی وشتری لەڕ
من نەڵێم تۆ بڵێ بە مەزهەبی خۆت
کێ دەڵێ خۆشە حەڕڕوفەڕڕی سەقەر
وەرە سەر سەیری ئاو و کوێستانم
نەرگس و یاسەمین و سووسەنی تەڕ
چۆنە شۆرباوی لاقە کوللەی وشک
تا پڵاو و کەبابی گورچکی مەڕ!
لەززەتی گۆشتی کەڵ چلۆنە لە لات
تا تەڕافەی قەبیحی وشتری گەڕ!؟
کوردە وەڵڵا عارە بۆ وەتەنت
بووی بە مەحکوومی (...)کانی قەجەر
قانعاناسناوی ئەدەبی داخی کوردەکان زۆرە
نایەتە ڕیزی گفتوگۆی دەفتەر