د خەونا خودا من دی گولەک
لە کتێبی:
دیوانا فەقیێ تەیران
بەرهەمی:
فەقێ تەیران (1590-1660)
1 خولەک
1328 بینین
د خەونا خوەدا من دی گولەک؛ هشیار دبووم وێ ساعەتێ
ئاخین ژ من چوونە فەلەک؛ سەبر و قرارا من نەتێ
سەبر و قرا را من نەما؛ نالین ژ من چوونە سەما
زێدە ل سەر من بو غەما؛ لەورا کو کالینا مە تێ
لەورا دنالم دل کولم؛ هەردەم ژ عشقا بلبلم
ژ دەردێ فراقێ د حەلم؛ ڤەدخۆم پەیالا شەربەتێ
گەهـ ئەووەلی گەهـ ئاخری؛ ژ نەقشێ تەرا سەد ئافەری
کەس نامینی ژ رەنگێ بەری؛ ئیللا کو شاهێ قودرەتێ
جوملە ئەشیا فەنا دبن؛ ژ رەنگێ بەرێ تەبدیل دبن
ژ کەیفییەتێ مەعزول دبن؛ عاشق د بینن عبرەتێ