pepûle
Li pirtûka:
Dîwanî Şêx Nûrî
Berhema:
Şêx Nûrî Şêx Salih (1896-1958)
1 Xulek
1440 Dîtin
xozge emzanî to bo?
wa xot ekey řenceřo?
pepûley bał hełwerîw!
be tîşkî giř dařzîw
bałdarî cwan û řengîn
êsk sûk û bał nexşîn
be řoj lem guł bo ew guł
lem çiłewe bo ew çił
efřî û enîşîtewe
bonî xoş eçnîtewe
her tarîkît lê derkewt
çawit be şu’le û giř kewt
bałit heł’eprûzênî
cergit heł’eqirçênî
bałdarî bał řengawřeng
dem piř hawarî bê deng
xozge emzanî to bo?
wa xot ekey řenceřo?
şebeq eda beyanî
le gwê coge û serkanî
egeřêy ta etwanî
hîç manduwêtî nazanî
kam cêga xoş û berze
kam liq naske, sewze
le dûrewe boy efřî
cêgay xotî lê egrî
be řoj cêt naw gułane
be şew ebîye perwane
le kwê be şu’let zanî
xot ekey be qurbanî
pepûley nask û nazdar
’aşiqî dił birîndar
xozge emzanî to bo?
wa xot ekey řenceřo?