ew karesatey le hênanewey cenazekey «şêx meḧmûd»da řûy da
Li pirtûka:
Dîwanî Şêx Nûrî
Berhema:
Şêx Nûrî Şêx Salih (1896-1958)
3 Xulek
818 Dîtin
şew bû cenazekey geyşte kenarî şar
gîraye naw jimareyekî zorî bê şumar
birdyane bendîxane ke bîbînê «şêx letîfKes»
destê bikate gerdinî bawkî hejarewe
kujra jinî «řeşołKes» be yekem gulle, bêgunah
daxêkî na be cergî guł û lalezarewe
wek «exterKes»y «řeşoł»y besezman le asman
çon zû kujayewe, be řuxî tabdarewe
zor newcewanî tir wekû ew kuşte û cerîḧ
şaranewe hemû be leşî zamdarewe
zanra netîcekey ke şitêkî felakete
’alem le tirsî gulle kişane kenarewe
sibḧeynê wez’î memleketim zor şipirze dî
her «şurte»ye û xuley dê be dunkî û be darewe
wek řûy nedabê ḧadîseyek emir eden, ełên
’alem ebê xerîk bê, beser îş û karewe
tîcwal men’ kira le demî ’esrewe heta
řoj heł’ehat û şewqî exsite dyarewe
bo men’î ew kesane ehatin le dûrewe
ḧazir kirabû şurte, be pyade û be swarewe
bêcge lemeş emir be newaḧî û qeza dira
nabê be nawî pirsewe kes bête şarewe
sê řojî matemî, ke «dî»yan bem ḧeqarete
biřyar dira becarê be ladê û be şarewe
ẍembar bin û cilî řeşî matem leber biken
pîr û cwan, hemû be diłî ẍemgusarewe
wextê îdare ferqî be ’ezmî emane kird
qanûnî hêzî «şurte»yî lê xistine karewe
polîsê cil řeşêkî bikewtaye ber nezer
eybirde goşeyekî pena û nadyarewe
ewel nesîḧet û heřeşey destî pê ekird
eyût bemane xot mexere gîr û darewe
pêtan ełêm be řesmî: cilî řeş leber meken
yasaẍe kes bibînrê be lêwî be barewe
piştênî řeş cerîmeye bîgoře ta zuwe
takû fiřêy edey biço zû xot bişarewe
her çayçîye û bedem şeqî polîsewe zelîl
her sayqe enałê bedem lîs û darewe
řadyo be zorî şeq ebê bikirêtewe le her
dukan û çayxane, be neẍmey qetarewe
her cil řeşî hejar bû, eyanbird be zorî lîs
exraye jêr su’alî, gelê nalebarewe
qołyan egirt bedûkes û ebraye berdemî
qomîserî, be fîz û kiławêkî larewe
eyut: bemin biłên çîye kewtûnete serî?!
xot tûş meke, bekołê minałî hejarewe
kê mirduwe? sebeb çîye em ḧuzin û mateme?
xo asman becarê nekewtote xwarewe
lêy hate cwab, şipirzeyî şeq, ser şikawî dar
řûy kirde qomîser, be diłî zamdarewe
min serwerî wiłatim û serdarî qewmekem
bimrê be êşî derdî dił û îḧtîqarewe!
min bêm leber řezay diłî to ya yekêkî tir
namûsî kurdewarî binême kenarewe?!
to û ew keseş ke way wituwe başî têbgen
kurd nayewê bijî be lekey, ’eyb û ’arewe