tal’î kurdî bedbext
Li pirtûka:
Dîwanî Şêx Nûrî
Berhema:
Şêx Nûrî Şêx Salih (1896-1958)
3 Xulek
676 Dîtin
dîsan le ême qapîyekey ẍem kirayewe
dergay teřeb, le ’alemî dił daxrayewe
dîsan ciger kira be qenarey muşeqqeta
ye’nî dukanî çerxî cigerçî kirayewe
dîsan birînî konî ẍemî ême hate swê
camî fereḧ be berdî ḧewadîs şikayewe
dîsan dûçawî sûrî weten bû begomî xwên
firmêskî wek fware, le dił hełqułayewe
dîsan lîwayî ’eza, le lîwaw naḧyew qeza
bo kurdî quř beser, be mesel hełkirayewe
estêreyekî burcî ḧiqûqî hebû weten
emşew lepiř kişaw becarê kujayewe
dax û ẍemî fîraqî ke dana leser ciger
zamî hezar sałeyî dił wa kulayewe
girya weten, witî cigerî min biřayewe
nûrî çirayî meclîsî ẍîret kujayewe
ey çerxî bed mu’amele, takey xeta ekey!
em kurde bê kesane be ẍem aşna ekey
deẍłî wicûdî ême hetakey ekey be ard
xermanî ’umrî ême hetakey be «ba» ekey!
ceřřaḧî û keçî ekujî ’alemê beẍedir
goya birînî kone û nwêman dewa ekey
me’şûq ekey bedujmin û ’aşiq wekû řeqîb
bawik le kuř ekeyt û bira bê bira ekey
kurdî feqîr ebê çi gunahêkî kirdibê
her leḧzeyê be sed elemî mubtela ekey
«’ebdulkerîmKes» ke dwênê leser textî «înfirad»
ḧakim bû, emřo mesnedî darî fena ekey
em daykî kurdî quř beseret xistote te’zîye
ewladekanî çunke esîrî beła ekey
egrî û ełê weten: cigerî min biřayewe
nûrî çirayî bezmî ḧemîyet kujayewe
ey xakî tîredił, heye ger zeřřeyê ḧeyat
řoḧit ekeyte xadîmî serçawekey ḧeyat
zułmet nedîde, çunke geyştî be’awî xizir
to namrît û ’alem eka yek beyek kiş û mat
ew ḧakme ke merkezî qanûn bû singî ew
racî’ betoye, quř beser ehlî murace’at
ew ḧakme ke ’eynî wefa bû ḧiqûqî meḧiz
terkî serîrî me’deletî kird û hate lat
toş tuxwa were, wekû têgeyîwekanî kurd
tefsîr meke le xizmetî, ey řoḧekem fîdat
çend ehlî ẍedir û załmî bê dînî kird esîr
çend bêgunahî da le ḧepsixaneda necat
zatêkî wa le matemî ewdabê ehlî feził
çunke le zay’atî weten bû le zay’at
egrî û ełê weten, cigerî min biřayewe
nûrî çiray meclîsî ’îrfan kujayewe
ey bilbilî weten were, ey baxewanî kurd
ey ba’îsî nemanî dirextî jyanî kurd
ey wa’îzî tereqîy mîllet be řoḧ û mał
ser defterî cemî’î fîdakarekanî kurd
zeḧmet ke xoşî bêtewe ta řojî řestixêz
daẍî ẍemit leser cigerî serweranî kurd
bo ẍeyrî to wefa û ḧiqûqit le ḧakman
gewre û biçûkî mîllet û pîr û cwanî kurd
ewraqî sebrî ême becarê werî dirêẍ
řoyşit beharî ’eyş û peya bû xezanî kurd
ta mułkî awedanî beqa bû be menziłit
wêranekey ’edem buwete cê û mekanî kurd
ne’şî řefî’î toy wetenî quř beser ke dî
piştî şika, ke ’îzet û nawwinîşanî kurd
girya weten, witî: cigerî min biřayewe
nûrî elektirîkî şewî min kujayewe