xoł baranî silêmanî
Li pirtûka:
Dîwanî Zêwer
Berhema:
Zêwer (1875-1948)
2 Xulek
781 Dîtin
ey felek gahê be terze berde baranman ekey
ga, bebaranêkî zor me’rûzî tofanman ekey
destî xoman boç şikawe, xoł leser ’erdî nema
xoł besermana eřêjî? xane wêranman ekey?
befreket cwan û sipî bû têkeławit kird be xoł
keyfî xote her çilonê meylî fewtanman ekey
ger xeyałî pêkenînî bê bedłida def’eyek
destibecê karê ekey dûçarî giryanman ekey
ger qena’et keyn be nanê řû le małî kes nekeyn
tûşî sed qortî wekû têłan û lêdanman ekey
ger me’aşman zem kirê ya, maye tozê zyad bika
mubtelay şurb û qumar û fîsq û seyranman ekey
geh bedest badî şemał û geh bedem badî semûm
tûşî sermay zemherîr û sozî nîranman ekey
ême çîn boçî le sayey to ḧerame řaḧetî?
to lelat çake le xoşî û çake ḧîrmanman ekey
ey felek bakman nîye lutfî xwaman «kafî» ye
ḧepis ekey? ya nefî ekey, ya tîre baranman ekey?