gileyî le çerx
Li pirtûka:
Şaxî Hewraman
Berhema:
Qani (1898-1965)
1 Xulek
775 Dîtin
seyrî ke! çerxî kone çilon şał û caw eka
dujmin be řoḧî sêbere, meylî hetaw eka
mê baz û mê periste mu’îne be îşî mê
hawřezmî şîrî bêşeye qetłî pyaw eka
pîre jinê wehaye be sed mekir û çablûs
xo gîre, xo firoşe, le gişt kes siław eka
bem pîrîye çi minałe, le bo řengî ał û wał
řeng řêje kûpe kanî, le qelbî şikaw eka
gahê serî le hîçewe, eydatê text û tac
gahê serî le tacewe, be tipłî diřaw eka
beřî nîye le şaxeda cingidare wek piłing
beḧrî nîye le beḧreda îşî seraw eka
kebabçîyekî çi şoxe, bełam dił eda le sîx!
qîmey kebabekanî, le cergî biřaw eka
dewran wekû xeyate be miqrazî hatuço
cildûrî çake kewakey le laşey diřaw eka
qani’Nasnava edebî be destî çerxewe wa mat û serkize
bê hêz û bê tekane le marî kujraw eka