jin
heştî marit, xuşkî yekem kuře qurbanîy řapeřîne
heştî marit, yekem dayke hemû sałê yekem guł eda le qijî
heştî marit, yekem xwêndikarî kiçe be hezaran ziman edwê
heştî marit, jine hawserî ḧuzeyranekey êmeye.
heştî marit, dezgîranî tazetrîn şî’rî mine!
emřo çirke û deqîqe û se’at mêyînen
emřo wiłatekem mêyîneye, cîhan hemûy mêyîneye.
emřo jyan mêyîneye.
emřo řojî zîwînî ser û qij be pirşing û
şan û mil be peřey hełałey toye, ey çawgî bûnman, jin!
emřo řojî tewêł be bijwênî
beyanîyanî xoşewîstî toye, ey bałay jyan, jin!
henûke wextî goranîte
ew demey çirîket efřê û
ew katey xemî wenewşeyît le kenar emřoy sipîda
be hêşû estêre egrê û
ew demey baskekanit ebin be tajanî tîşk û
pencekanit be gułepemûy ber zerdey êwaran û
singit be gułcařî mijde
ey kêłgey zawzêy jyan, jin!
emêsta řojî tafe tafî ewînte
ewkatey ziney hetawit tya heł’equłî û
ebîte řûbarî dayk û şepol edatewe
deryaçekey mêjûy to!
ebête tavgey xuşk û heł’epirjêtewe
be sermanda pirjepirjî dengî to,
ebîte darsêwî yar û heł’epşikiwê
le řoḧmanda baxçey to!
emřo ko ebînewe çun kobûnewey hewr bo dařjan û
çun kobûnewey bałindekan bo xwêndinî nwê.
emřo kurdistan ekeyn be to!, jin!
emêsta ełqe ebestîn û da’egîrsêyn û
be çwardewrî hewarekey serî toda:
eykeyn be zemawendî agir û
eykeyn be şayîy şî’ir û
eykeyn be hełpeřkêy daristan û
sinewberîş lem řojeda serçopît bo egrê, jin!
emřo xor mêyîneye û
berd mêyîneye û qełemim mêyîne û
şî’irim mê.
henûke be bařêzerî henasekanî toda
be giřey pêdeştî henasekanî toda
ke henasey xake û henasey direxte û henasey awe û
henasey şew û henasey řê
bew henasaneda telan be telan û biniçk be biniçk û dê be dê
siław enêrîn bo kiçe qurbanîyekanit
gułehêro kujrawekan
awêne kujrawekan
pencere kujrawekan, kiçe qurbanîyekanit
ew kiçaney bûn be pepûley kewêł û kawanekan û nehatnewe.
ew kiçaney bûn be gułe kêwîle û hengezerdey
ew kejane û, nehatnewe.
kiçe qurbanîyekanit, ew melaney, ew qumryaney
betenha leser xwêndinî ’aşiqane seryan biřîn.
ew mamzaney betenha leber bařjinî diłxiwazane, seryanbiřîn.
ew dem û lêwaney tenha leser
şemałêkî zerdexene û
ew pirçaney tenha leser
semakirdin legeł «ba»y azarda
biřyanin û xistyane naw dozexewe,
serî biřřawî jinanî wiłatekem, tenha her giłopî kefin
leyek satda etwênewe û bîr eçnewe û bizir ebin
serî biřřawî jinanî wiłatekem, faylekanî tenderin
be ser xêł û be ser hoz û be ser xizma dabeş ekirên.
serî biřřawî jinekanî wiłatekem, deẍîlen û
le sûçî dîwexananda da’enrên û
tarîkî û tołe û kîneyan tê ekirêt û
legeł sindûqe fîşek û
legeł merga heł’egîrên.
berberîyekan, hemûyan etrîqênewe û
lewlayşewe, dad ewerê!
xuda, azadîye û
xuda, ewîne û
xuda, cwanîye û
xuda, heq!
keçî le małî xudawe, lepişt maykirofonî xaney xudawe
kolke ’eqił û kolke mela û kolke qise
qijî azadî jinekem, be miqestekanî řecim eken!
xwênî ewînî xuşkekem, bo xwardinewey
tifengekan ḧełał eken!
cwanîy jin, semay huner, pencey pyano,
pêkenînî pepûlekanî diłdarêtî
namey ’eşq û goranîyekan, wekû tilyak ḧeram eken
cehennemyan bo da’exen!
jin, jin, jin
bo şûşey bendî ’eşqît û bałexaney kirîstał û
şimşêrekanî xelîfe fetway xêł û fetway walî
hemû carê dêne serit û wirduxaşt eken, jin
to bejnî řûnakît û bazirganekanî ayîn
hemû řojê xiłtanî tarîkît eken, jin
jin, jin, jin
le berzayîyekanî ’eqłewe
ziryanî zansityan biken be gijda, jin.
le şeqamekanî şarî ’eqłewe,
apûrey qełem û çirawgî řûnakbîrîyan biken be gijda, jin!
to kiçe qijsûrekey şî’rî bêkesî
şewt piře le birûske û le řapeřîn, jin
to bałêkî sirûdekey «ey řeqîb»y diłdarKesyit û
piřît le yaqûtî direwşawey mana û řwanîn, jin
to hawarekey «şêx nurî şêx sałḧKes»yit
piřît le samał û le karêzî teqînewe û
piřît le gułcařî ewîn.
to cîhanît, le berdemî: derwazekey sedey bîst û yekda
fiřînî mangî destikirdî û to qûłbûnewey çawekanî enternêtî
bo ayndey em peyame, jin!
lêreyş
le seranserî wiłatî sêdare û xołemêş û enfalîşda
to xuşkekey «sinewber»y qeładzêCihyit
katê ke to eçûyte naw gerûy neheng û dołpawe
lewdemeda, yekêk nebû le jinxorekanî emřo
yekêk nebû le xetîbe cehennemîyekanî emřo
tirsî zimanî pê qût nedabêt û
dengî lejêr serînekeyda neşardibêtewe û
azayetî le penayekda girmołey nekirdibê.
emřo řojî zîwînî seruqij be pirşingî toye, jin!
meke! seruqijit kifin meke, jin!
gułzar çon kifin ekirê
gułegenim çon kwêr ekirê
gijugya çon bend ekirê
azadî çon zîndebeçał ekirê, jin!
seruqijit medere dest parçe peřoyek, jin
seruqijit mespêre be şûy leçk û
seruqijit mexere tabûtî çarşêwêkewe û
seruqijit. le tarîkî hełmekêşe, jin!
serit, meşxełe û
qijit, laskî gułeco
serit, hewrî sikpiřî ’eqłe û
řêjney pirşing mekuje, jin!
serit mexere gořî qumaşewe, asman girê nadrê.
samał zîndanî nakirê.
her tałê le qijit şî’rêke û
her tałê le qijit teyrêke û
le cûłe û xwêndinyan mexe, jin!
seruqijit bidere dest gułî hetaw û
seruqijit bispêre be engutî baran û
seru qijit bidere dest ew bahozey
le dîrokî derbendekey kurdayetîy mame řîşeKes û «ḧemk»ewe
hełyankird û be germyanda sûřanewe
têkeł be boy simłî jine germyanî û
sozî daykî «ḧemeřeş» bûn, jin!
têkeł be horey dołî cafetî û
mangeşewî «wesananCih»bûn, jin
serit bidere dest gizink
ba pirçekanit legeł heway jyanda dest bigirin û
ba pirçekanit wek bałî bałindekan bikirênewe û
şepol bin û hajeyan bê, jin!
heştî marit, jine awênefroşêkî diłdare û
řûnakî be ser wiłatda ebexşêtewe.
heştî marit, kiçêkî şenge û
be tirîfe leser řûy aw şî’ir enûsêtewe.
heştî marit, kîjêkî cwanî kerkûkCihe û
hemû sałê lem řojeda
ebê be kotrebarîke û heł’efřêt û
ledwayîda leser lêwarî pencerey
zîndanekey leyla zanaKes, bekawxo enîşêtewe.
emřo řojî zîwînî jyante, jin
emřo be şaray qijî toda
cirîwe heł’ewasîn û
eçîne naw jûrî firmêskekantewe û
eçîne naw diłope xwêntewe û
celladekanit ebînîn, jin!
eçîne naw tunawtûnî zirîkekanî enfalî towe,
byabanî ’er’er le qirîşkey toda û
le dozexî em cîhaneda ebînîn, jin!
abłuqedanî cehalet û gemarodanî xencer û
dozexewanî dîwanî «bêkesKes» û kitêbekey «’ebdulxalqKes» û
gwêzanî ser şademarî milî «řiştey mirwarîNava taybet»y secadî û
carêkî dî bikujanî galîloKeskey zanistixiwazî
le kuştinî cestey «’umer tofîqKes»da ebînîn, jin!
le saray germyanewe ta kawanekanî kwêstan
yek yek lenaw gyanmanda řîztan ekeyn, jinanî enfal!
yek yek be gułî jałe etanhonînewe û
etankeyne milî kêw be kêw û
milî dar be dar û
milî şeqam be şeqam
emřo řojî zîwînî toye
emřo çirke û deqîqe û se’at mêyînen
emřo jyan mêyîneye
leser qîjey řawnirawit, agir enêyn be bêdengîyewe.
leser zîndebeçałkirdinî xewn û ’eşqit,
ebîn be yasayekî dem tîj
leser hełkêşanî dengit, ebîn be hawarî mêjû, jin.
leser tenyayît û leser xwênit
ebim be qesîdey qurbanî û
be awazêkî xwênawîy û be qełemêkî şehîd, jin.
emřo řojî zîwînî toye û
emřo ebrîskêmewe çun pêkenînî zerya û
minîş şineşnime wek perçemî serçawey çya, jin.
jin û jin û jin û...