amalî bende řebbî be lutfî ’emîmete
Li pirtûka:
Dîwanî Şaho
Berhema:
Şaho (1882-1971)
1 Xulek
273 Dîtin
amalî bende řebbî be lutfî ’emîmete
hîway qewîm be zatî ’elîy ’ezîmte
řûm kirde baregayî bułindet be îltîca
çawim le beḧrî cûd û le řeḧmî řeḧîmte
biřwam be dił wehaye be to û zatî eqdest
tenhay ne kes şerîk û ne hîç kes nedîmte
her xot ḧîsabî giştî bedest xote xeyr û şeř
řaste ewey ke neqşî kelamî qedîmte
layq be xote qudret û cah û celal û cûd
’alem řehînî mînnetî xwanî ne’îmte
şaho ke ’ebdî xote temennay be lutfite
çawî umêdî zorî le ’etfî kerîmte