ey ew kesey le nûrî xwa xelqe zatî to
bo pêẍember
Li pirtûka:
Dîwanî Şaho
Berhema:
Şaho (1882-1971)
2 Xulek
599 Dîtin
ey ew kesey le nûrî xwa xelqe zatî to
ḧeyrane ’eqłî kul le bułindî simatî to
lałe ziman le beḧis û beyanatî gewreyît
kołe qełem le wesfî buzirgîy sîfatî to
wênet meḧałe nebuwe nîye ta ebed
gyanim fîdat bê ferdî hemû ka’înatî to
guftar û kirdewet hemû î’caze boye wa
nayête ber jimare be kes, mu’cîzatî to
to řeḧmetêkî meḧzî lebo giştî ’alemîn
ye’nî çira û řehberî řêgey necatî to
ew řoje bawik û řołe le yektir fîrar eken
sułtanî kul û şafî’î gişt seyî’atî to
ew řoje xotî xawenî tomar û tac û text
çunke emîn û meḧremî xasî xudatî to
çît wîstuwe kirawe çunke lelay zatî zulcelal
taqane xoşewîstî hemû masîwatî to
kamit řewaye herçî temennate dête cê
arê, kilîlî qapîy gişt muşkîlatî to
seryan suře be carê ’umûmî muqeřřebîn
lew řutbeyey dira şewî esra be zatî to
lew řojeda ke kes le kese û kes be kes nîye
sersame cîn û îns û melek ẍeyrî zatî to
kabe be yumnî towe buwe qîblegahî ’am
çunke ebû ke mekkeNava taybet bibête wiłatî to
payet ewende berze ke xwa û mela’îkey
pêşkeş eken hemîşe siławyan xełatî to
em koyleyet ke tûlesegî astante
muḧtacî luqmeyeke le xwanî beratî to
hîwam be lutif û merḧemetî zatî toye min
çunkî penahî komełî gişt ’asyanî to
herçend syaye nameyî řeftar û kirdewem
xo multecîm be zatî ’ezîmu alsîfatErebîy to
firyam kewe! bifermû bişorê be awî ’efu
ey ew kesey ke ’eynî ḧeyate mematî to
çawî le řeḧmî êweye şahoNasnava edebî ke lay xwa
řed nakirêtewe tełeb û xwahêşatî to