azîz fîraqit dił kerden we hûn
Li pirtûka:
Ew Şî’raney Dirawnete Paɫ Mewlewî
Berhema:
Mewlewî (1806-1882)
1 Xulek
853 Dîtin
azîz fîraqit dił kerden we hûn
ser kerden ne çem esirim çun ceyḧûnNava taybet
keştîy wicûdim tofanî kerden
texteparey řoḧ we ’edem berden
xul mido ne gêc mewc fenada
ecel mekêşom wey la û wewlada
zîndegîm pey merg hane tedarek
umêd ḧeyat qet’en, webê şek
derwazey fereḧ yekcar mesdûden
matîm weş demax, umêd nabûden
ham weser qulley xewf û řicawe
nimez řam ey lan ya xo ew lawe?
nesîb bênesîb ce behre û şewqen
xefet ne bezmen, şadî bê zewqen
lêm taqî nîyen a cewre ce kon
muẍennî dewam lerey kizey ton
bey nałey ḧezîn lêwê berewe
çun amay xeyał meḧum kerewe:
ẍemen řefêqim, ẍemen ham demim
ẍemen ham meclîs ’eza û matemim